Mapisarema

129 “Vaigara vachindirwisa kubvira ndichiri mudiki,”+

Israeri ngaati,

 2 “Vaigara vachindirwisa kubvira ndichiri mudiki;+

Asi havana kundikunda.+

 3 Varimi vakarima vachipfuura nepamusana wangu;+

Vakarebesa miforo yavo.”

 4 Asi Jehovha akarurama;+

Akadimbura tambo dzevakaipa.+

 5 Vachanyadziswa uye vachadzokera vachinyara,

Vese vanovenga Ziyoni.+

 6 Vachaita seuswa huri pamatenga edzimba,

Hunooma husati hwadzurwa,

 7 Husingambozadzi ruoko rwemukohwi

Kana maoko emunhu ari kusunga zvisote.

“Chikomborero chaJehovha ngachive pamuri;

Tinokukomborerai muzita raJehovha.”