WEDELLOOTU XAꞌMITANNO XAꞌMO
Cuuamummohu Gedensaanni Maa Assa Hasiissannoe?—Gafa 2: Keeraanchimmate Doogo Haꞌri
Qullaawu Maxaafi kulannonte gede, “Yihowa keeraanchimmate doogo hadhannorira dancha coye dihoꞌlannonsa.” (Faarso 84:11, Haaro Alame Tiro) “Keeraanchimmate doogo haꞌrate” yaa mayyaate? Hatto yaa, heeshshokki Yihowara sayisse uyitto woyite eootto qaale agadhoottota leellishanno garinni heeꞌrate yaate. (Rosiisaancho 5:4, 5) Cuuamittohu gedensaanni keeraanchimmate doogo haꞌra dandaattohu hiittoonniiti?
Konni birxichira
Qarra cinci
Qara qummeeshsha: “Maganu Gashshoote eate lowo qarri giddoonni saꞌꞌa hasiissannonke.”—Soqqamaasinete Looso 14:22.
Tiro: Baalanka Kiristaana qarru amadannoti egennantinote. Mitu qarri iillannohehu Kiristaancho ikkootto daafiraati; lawishshaho, ammanakkinni kainohunni mannu qacifatahera woy giwahera dandaanno. Wolu qarri kayinni, lawishshaho angate anje woy dhibbu manna baala amadannoho.
Ikkara dandaannore: Mito woyite heeshshokki gari soorramara dandaanno; mitu soorramanno coyi kayi baxisannohekkiha ikkanno. Qullaawu Maxaafi, Kiristaanano ikkino ikkano hoongo, bushu coyi baalunku mannira iillara dandaannota kulanno.—Rosiisaancho 9:11.
Assa dandaattore: Qarru iillahera dandaannota afootto daafira, balaxxe qixxaawa dandaatto. Iillannohe qarra ammanakki kaajjishiꞌratenna albinni roore Yihowa addaxxa rosate kaaꞌlanno tunceenyi gede assite kiiri. (Yaiqoobi 1:2, 3) Galte hosse atino, soqqamaasinchu Phaawuloosi gede, heeshshokkinni laoottorinni, “Wolqa aannoehunni isinni baalunku coyira ikkitanno jawaante nooe” yaa dandaatto.—Filiphisiyusi Sokka 4:13, Haaro Alame Tiro.
ADDU XAGGE. “Cuuamummahu gedensaanni mulenni, bayiru rodiiꞌya halaale agure fuli, anniꞌyanna amaꞌya dhiwami, hakkiinni anino dhiwamumma. Iillinoe coyinni hexxo mudhammaranna aneneeto Maganoho sayise uumma woyite, heeshshoꞌya giddo iso magansiꞌra balaxisiiseemma yee qaale eoommata hawammara dandeemma. Kayi konne qarra baala cinceemma gede kaaꞌlitinoeti heeshshoꞌya Maganoho sayise aaꞌyaati.”—Kaareni.
Dancha amaale: Yooseefi xagge xiinxalli. Kalaqama fooliishsho 37, 39 kayise 41 geeshsha isi xagge nabbawa dandaatto. Kuri xaꞌmuwa hiinci: Isira hedinokkihu hiittoo qarri iillinosi? Isi konne qarra qeele sainohu hiittoonniiti? Yihowa Yooseefi kaaꞌlinohu hiittoonniiti?
Roore kaaꞌlo hasiꞌratto?
Nabbawi:
Dirrisiꞌri:
Fonqolo qeelte sai
Qara qummeeshsha: “Mittu mittunku manchi jifamannohu umisi yortonni goshooshamanninna dogamanniiti.”—Yaiqoobi 1:14.
Tiro: Mito woyite, ninke baalunkura yortonke fonqolo ikkitankera dandiitanno. Qoleno eemadha hoongummoro, yortonke bushare assineemmo gede xixxiibbankera dandiitanno.
Ikkara dandaannore: Cuuamittohu gedensaannino, giddokki “maalu yorto” heedhanno. (2 Pheexiroosi 2:18) Adhamittokkinni siimu xaadooshshe assate nafa halchattora dandaatto.
Assa dandaattore: Yortokki doggeennahe gedenaanni bushare assattokki gede, fonqolu iillahera albaanni wodanakki mitto assiꞌri. Yesuusi, “Lamu mootichira borojjicho ikka dandaannohu dino” yiinota qaagi. (Maatewoosi 6:24) Mootichakki ayi ikkannoro doodha dandaatto. Yihowa mootichakki assiꞌri. Bushare assate noohe yorto aye geeshshano jawa ikkituro, qeelte saꞌꞌa doodha dandaatto.—Galatiyu Sokka 5:16.
Dancha amaale: Jawaantekkinna laanfekki maatiro badde afate woꞌnaali. Dancha akatta heedhannohe gede kaaꞌlitannohe jaalla doodhi. Gara ikkinore assa roore gooddo ikkitannohe gede assanno manniwiinni, bayichiwiinni, woy coyiwiinni xooqi.—Faarso 26:4, 5.
Roore kaaꞌlo hasiꞌratto?
Nabbawi:
“Fonqolo Qeele Saꞌꞌa Dandeemmohu Hiittoonniiti?”
“Siimu Xaadooshshi Daafira Heda Agura Dandeemmohu Hiittoonniiti?”
Laalakki baꞌannokki gede sharrami
Qara qummeeshsha: “Kiꞌne mittu mittunku . . . goofimarchu geeshsha diinaggaabbine heedhinara halchineemmo. . . . ceeꞌmaleeyye ikkitinannita dihalchineemmo.”—Ibiraawoota 6:11, 12.
Tiro: Loososi illachishannokki manchi loosoho laalaata hoogaranna ceeꞌmara dandaanno.
Ikkara dandaannore: Cuuamittohu gedensaanni, lowo geeshsha hagiidhoottohanna soqqanshote iibbado giddonni laalaatte kaoottoha ikkara dandaanno. Hakkawoyite wodanikkira Yihowara noohe baxilli woꞌmino. Mite yanna gedensaanni kayinni, woꞌmunku coyira Yihowara hajajantanni heeꞌra qarra ikkitahera dandiitanno; hatti qolte hexxo mudhatto gedenna laalakki ajjanni hadhanno gede assitara dandiitanno.—Galatiyu Sokka 5:7.
Assa dandaattore: Mite yanna geeshsha hasatto hooggahera dandiitanno; hakkoyeno ikkiro, gara ikkinore assa agurtooti. (1 Qorontoosi 9:27) Hasattokki higga geeshsha, gordu Annakki seekkite afatenninna huuccattotenni ganyite iso hasaawisatenni isiwa albinni roore shiqate woꞌnaali. Qoleno, Yihowara soqqama baxxannoriwa roore gamba yaate sharrama agurtooti.
Dancha amaale: Yihowa lowo geeshsha baxannohetanna ate kaaꞌlate qixxaawinoha ikkinota qaagi. Yannate geeshsha diinaggaawa hoogoottotera isi koffi yiinoe yite yaaddooti. Qullaawu Maxaafi “Isi daafurtinorira jawaante aanno; dhukiweeltinorira wolqa ledanno” yaanno. (Isayaasi 40:29) Wirro laalaatate assatto sharro isi gale hose maassiꞌrannohe.
Roore kaaꞌlo hasiꞌratto?
Nabbawi:
Lai:
Guulcho hedo: Keeraanchimmate doogo haꞌrattoha ikkiro, Yihowa wodana tashshi assatto! (Lawishsha 27:11) Yihowa isi wido ikka doodhootto daafira hagiidhanno; qoleno Sheexaanu sia qeelte saꞌꞌatto gede hasiisannohere baalankare aannohe.