WEDELLOOTU XAꞌMITANNO XAꞌMO
Cuuamummohu Gedensaanni Maa Assa Hasiissannoe?—Gafa 1: Dancha Rosichokki Agudhitooti
Noohe jajja, lawishshaho qaekki dancha gede assite towaaxxa hasiissannoheti egennantinote. Maganu ledo noohe jaaloomano hattonni towaaxxa hasiissannohe. Cuuamittohu gedensaanni, konne jaalooma kaajjishiꞌra dandaattohu hiittoonniiti?
Konni birxichira
Maganu Qaale ganyite xiinxalli
Qara qummeeshsha: “Baalunku coyinni dancha guma laaltinanninna Maganu egennonni lophitinanni woꞌmante doogonni [hagiirsiissesi].”—Qolasiyaasi Sokka 1:10.
Tiro: Cuuamittohu gedensaanni, Qullaawa Maxaafa ganyite nabbawanna rosoottore hiinca hasiissannohe.—Faarso 25:4; 119:97.
Ikkara dandaannore: Mito woyite, xiinxallo giwisahera dandaanno. Hattoo woyite, ‘Xiinxallo baxeemmo gedee mancho diꞌꞌikkoommo’ yite hedattora dandaatto.
Assa dandaattore: Qullaawu Maxaafi giddonni roore afa hasiꞌratto hajo daafira unte xiinxalli. Umikkita xiinxallote pirogiraame fushshiꞌri; quwa saꞌinokki pirogiraame fushshiꞌrittoro, xiinxallo duha diꞌꞌikkitannohe. Xiinxallatto woyite, mixokki Yihowaranna Qaalisira noohe baxilli lexxanno gede assiꞌrate. Hattoo xiinxallo kaaꞌlitannota calla ikkitukkinni baxissannote.—Faarso 16:11.
Dancha amaale: Xiinxallokkinni roore horo afiꞌrate, hedokki bebbeehantanno gede assannori nookkiha qaxaqaꞌa yiino bayicho afiꞌrate woꞌnaali.
Roore kaaꞌlo hasiꞌratto?
Nabbawi:
Lai:
Dirrisiꞌri:
Yihowa ganyite huucciꞌri
Qara qummeeshsha: “Baalunku coyira galaxxitinanninna huuccidhinanni hasidhinoonni coye Maganoho kuꞌle ikkinnina, mittu coyirano yaaddinoonte.”—Filiphisiyusi Sokka 4:6.
Tiro: Maganu ledo hasaawate lamere assatto: Qaalesi nabbawatto woyite, isi coyiꞌranna macciishshitanni nootto; huuccatto assiꞌratto woyite, ati coyidhanni nootto. Huuccatto assiꞌratto woyite, Maganu kaaꞌlannohe gede xaꞌmiꞌratto hattono afiꞌrootto atootira galaxxatto.
Ikkara dandaannore: Mito woyite, huuccattokki mittu garita calla ikkiteenna ceeꞌmattora dandaatto. Yihowa isi addinta huuccattokki macciishshanni nooronna teꞌee woy macciishsha hasiꞌrannoronna teꞌee nafa huluullamattora dandaatto.—Faarso 10:1.
Assa dandaattore: Barru hoshshokki giddo, huuccatto assiꞌra dandaattota addi addi hajo hedate woꞌnaali. Hakkawoyintenni seeda huuccatto assiꞌrate injaannohekkiha ikkiro, hakko barranni gedensoonni huucciꞌra dandaatto gede hattee hajo wodanaho wodhite sai. Umikki hajono agurranna, wolu mannira hasiisannoreno hedi.—Filiphisiyusi Sokka 2:4.
Dancha amaale: Huuccattokki mittu garita calla ikkitinoha lawihero, tenne hajo daafiranni Yihowa huucciꞌri. Isi yaachishinohere baalankare macciishsha hasiꞌranno; hatto yaano huuccattokki daafirano huucciꞌrittoro macciishshannohe yaate.—1 Yohaannisi 5:14.
Roore kaaꞌlo hasiꞌratto?
Nabbawi:
Dirrisiꞌri:
Woꞌmanka woyite ammanakki daafira farciꞌri
Qara qummeeshsha: “Ateneenna rosiisatto roso seekkite agadhi. . . . Hatto assittoro, ateneenna macciishshitannohere gatisatto.”—1 Ximootewoosi 4:16.
Tiro: Ammanoottore wolu mannira kulatto woyite, ate ammanano kaajjitanno. Konni garinni, atetano ikko macciishshannohe manni lubbo gatisatto.
Ikkara dandaannore: Mito woyite, ammanakki wolu mannira kuli kuli assa hoogahera dandaanno. Isinni hatto assa umose (hakko iso rosu mine) waajjattora dandaatto.
Assa dandaattore: Waajjite assa hasiissannohere assittokki gatattokki gede murciꞌri. Soqqamaasinchu Phaawuloosi togo yee borreessino: “Baxummokki assummoro [sabbakummoro] nafa, Maganu konne looso eeggo uyinoe.”—1 Qorontoosi 9:16, 17.
Dancha amaale: Annakkinna amakki fajjo xaꞌmidhe, soqqanshote kaaꞌlannohehanna dancha lawishsha ikkannoheha ammanate rodoo hasiꞌri.—Lawishsha 27:17.
Roore kaaꞌlo hasiꞌratto?
Kiristaanu gambooshshe hossooti
Qara qummeeshsha: “Baxille afiꞌratenna dancha looso loosate mimmitonke kakkayinso. . . . Ronsoommoha xaadonke agurroonke.”—Ibiraawoota 10:24, 25.
Tiro: Gambooshshe haꞌneemmohu qaru korkaati, Yihowa magansiꞌrate. Kayi gambooshshe haꞌra wole lame doogonnino kaaꞌlitannonke. Umihunni, ammanate roduuwikki ate jawaachishshannohe. Layinkihunni, gambooshshe haꞌrakkinna dawaro qoltanni beeqqakki insa jawaachishshannonsa.—Roomu Sokka 1:11, 12.
Ikkara dandaannore: Mito woyite, wodanu billaachaawanni qarrisaheranna rosiinsanni heeꞌnoonni rosi macciishshittokki sae baꞌꞌahera dandaanno. Woy mito gambooshshe calla haꞌrattoha ikkara dandaanno. Qoleno wole coyibba lawishshaho rosu yannakki gudanno gede assiꞌrattohanna gambooshsheho yanna hoogattoha ikkara dandaanno.
Assa dandaattore: Rosono lashshi assittokkinni, gambooshshe hosa hoogatenna gambooshshunni lowo horo afiꞌrate murciꞌri. Anga kayisse dawaro qolatenni beeqqi. Gambooshshu gedensaanni, qolino dawarora (woy shiqishino kifilera) ajayi ajeenna mitto rodoo woy mitte rodoo galati.
Dancha amaale: Gambooshsheho balaxxe qixxaawi. JW Library® yinanni appilikeeshiine dirrisiꞌri; mittu mittunku gambooshshiwa maa maa ronsanniro afate “Meetings” yaanno gafa horoonsiꞌri.
Roore kaaꞌlo hasiꞌratto?