YESUUSIWIINNI ROSSE

‘Olu Luulo Macciishshitinanni’

“1960nni kayse odeessaancho ikke loosanni heeꞌrummo yanna giddo alamete doychora kainohu 40 ale ikkanno oli daafira odeessoommo. Yunaytidi Isteetisenna Sooviyeti Yuniyene mimmito uggitannano ikko togoori baychonko uurranna laoommo. 2025 kay wole dirranni roore lowo geya waajjishinoe dirooti; mayra yiniro konni dirri giddo addi addihu jawu oli kainoha calla ikkikkinni togoo oli alamete doychora noote roore gobbuwara lowore daafino.”—Jooni Simpsen, BBC alamete hajo odeessaancho.

Mannu alamete aana ikkanni noo oli daafira lowo geya yaadino. Batinyu manni, ‘Isi olu uurra ikka’ yee hedanno. Yesuusi mayyee rosiisino?

Yesuusi mayyee rosiisino?

Yesuusi yannankera ikkanni noore balaxe masaalino. Isi haꞌrunsannosi, “Olu luulonna olu duduwo macciishshitinanni” yiino.—Maatewoosi 24:6.

Xaa yannara alamete aana ikkanni noo olinna finqille yaachishshannota ikkiturono, hexxo noonke yineemmo gede assannonkeri no. Hatto yineemmohu mayraati? Mayra yiniro Yesuusi batinye manna gawajjanni noo olino ikko yannankera ikkanni noohu wolu addi addi coy ‘alamete gumolora malaate’ ikkinota rosiisino. (Maatewoosi 24:3; Luqaasi 21:7) Hatto yaa Yesuusi muli yannara olu sadi nafa heeꞌrannokki gede assanno yanna dagganno yaate. Isi hatto assannohu hiittoonniiti?

Yesuusi muli yannara assannore

Muli yanna giddo, Maganu Gashshooti, Moote ikkinohu Yesuusi, “Baattote qacce geeshsha nooha ola uurrisanno.”—Faarso 46:9.

Tini keeru woꞌmino yanna daggannohu ma garinniitironna hakka woyte heeshsho hiittoota ikkitannoro ledde afate “Olunna Kipho Uurritanno Gara” yaanno birxicho nabbawi.