Sirchu Taalleenyi Haaqeete Halchootilla?—Qullaawu Maxaafi Mayyaanno?

Batinye dagara, sirchu taalleenyi haaqeete halcho ikke gatino.

• “Sircho bade allaggisa alamete aana addi addi uurrinsha giddo, dagoomu giddonna heeshshote aana buutote qarra qala diagurtino. Mannu xaano umisi sircho roorsiꞌre wole giwanno daafira mimmito beebba assiꞌranno.”—Antooniyo Gutireezi, Buusantino Mangistubbaha Qara Borreessaancho.

Mannu mereero sirchu taalleenyi heeꞌranno yanna dagga ikka? Tenne daafira Qullaawu Maxaafi mayyaanno?

Sirchu taalleenyi daafira Maganu hedo maati?

Qullaawu Maxaafi addi addi sirchi wido ikkino manna Maganu ma garinni laꞌꞌannoro kulannonke.

• “lsi [Maganu] mitto mancho kalaqe sirchosi halashshe, gobba baala woꞌmanno gede assino.”—Soqqamaasinete Looso 17:26.

• “Halaalinta Maganu manna mallaadannokkita xa buuxoommo. Aye gosano ikkiro Maganu waajjannosihanna dancha loosannoha baxanno.”—Soqqamaasinete Looso 10:34, 35.

Qullaawu Maxaafi, mannu baalunku mitte maate ikkinotanna Maganu duuchunku sirchi manna baxannota kulanno.

Sirchu taalleenyi daanno gara

Manna baalanka taashshitannoti Maganu Mangisteeti; hakkuno gordu gashshooteeti. Tini Mangiste mannu mimmitoho danchare assanno gara rosiissanno. Qoleno mannu umisi sircho roorsiꞌre wole giwannota agure taashshannoha ikkanno gara rosanno.

• “Ati baattote aana noorira yoo yaatto waro, mannu taashshinanni gara bade afanno.”—Isayaasi 26:9.

• “Keeraanchimmate loosi keere abbanno; keeraanchimmate gumino, hegerera hawaqiꞌne heeꞌnanni gede assanno.”—Isayaasi 32:17.

Xaa yannara, lowo miliyoone ikkanno manni manna ayirrisa dandiinanni gara Qullaawu Maxaafinni rosanni no.

• Ledde afate, “Manna Beebba Giwate Nyaau Xagichi Heeꞌra Ikka?” yitannota Baqqi Yiiyye! yinanni metseete nabbawi.

• Annuwunna amuuwu mine tenne hajo daafira hasaawa dandiitanno gara afate, “Oosote Sircho Bade Giwate Daafira Rosiisa” yaanno birxicho nabbawi.