“දෙවියන්ගෙන් ලැබුණ තෑග්ග” පාවිච්චි කරන්න

අපේ සහෝදර සහෝදරියන් එක්ක ආශ්‍රය කරලා අපි හැමෝම ලොකු දිරිගැන්වීමක් ලබනවා. හැබැයි ඇත්තටම දිරිගැන්වෙන්න නම් නිකම්ම එකට එකතු වෙන එක විතරක් මදි. බයිබලේ කියනවා එකිනෙකාගේ විශ්වාසේ ශක්තිමත් කරන්න අපිට තියෙන හැකියාව “දෙවියන්ගෙන් ලැබුණ තෑග්ගක්” කියලා. (රෝම 1:11, 12) ඒ තෑග්ග උපරිමෙන් පාවිච්චි කරන්න අපිට පුළුවන් කොහොමද?

ඔයා කියන දේවල්වලින්. රැස්වීමේදී අපි අදහස් දෙද්දී අපි ගැනම, අපේ අදහස් ගැනම කියනවා වෙනුවට යෙහෝවාගෙන්, බයිබලෙන්, දෙවියන්ගේ සේවකයන්ගෙන් ඉගෙනගත්ත දේවල් ගැන කියන්න අපිට පුළුවන්. අනිත් අය එක්ක කතා කරද්දීත් අපි හැම වෙලේම එයාලාගේ විශ්වාසේ ශක්තිමත් කරන දේවල් ගැන කතා කරන්න ඕනේ.

ඔයාගේ තීරණවලින් සහ ඔයා වැඩ කරන විදිහෙන්. සමහරු ප්‍රශ්න, අභියෝග තියාගෙනත් දිගටම පූර්ණකාලීන සේවේ කරනවා. තවත් අය කාලයක් තිස්සේ තියෙන අසනීපයක් දරාගෙන නැත්නම් රස්සාව කරන ගමන් වරද්දන්නේ නැතුව සති මැද රැස්වීමට එනවා. ඒක අපිට ලොකු දිරිගැන්වීමක්!

යෙහෝවා ඔයාට දීලා තියෙන තෑග්ග පාවිච්චි කරලා ඔයා අනිත් අයව දිරිගන්වනවාද? අනිත් අය ඔයාව දිරිගන්වන්න කරන කියන දේවල් ඔයා දකිනවාද?