පෞද්ගලික අධ්‍යයනයෙන් උපරිම ප්‍රයෝජන ලබාගමු

ඒක වැදගත් ඇයි? බයිබලයේ තොරතුරු පෞද්ගලිකව අධ්‍යයනය කරන එක සත්‍යයේ ‘දිගත් පළලත් උසත් ගැඹුරත් සම්පූර්ණයෙන්ම වටහාගන්න’ උදව් වෙනවා. (එෆී 3:18) ඒ වගේම දුෂ්ට ලෝකයක ජීවත් වෙන අපිට නිකැළැල් ජීවිතයක් ගත කරන්නත් ‘ජීවනදායක පණිවිඩය තදින් අල්ලන් ඉන්නත්’ ඒක උදව් වෙනවා. (ෆිලි 2:15, 16) ඒ විතරක් නෙවෙයි අපි එක් එක් කෙනාගේ අවශ්‍යතාවට ගැළපෙන තොරතුරු අධ්‍යයනය කරන්නත් ඒකෙන් අවස්ථාව ලැබෙනවා. බයිබලය කියවන්නත් අධ්‍යයනය කරන්නත් යොදවන කාලයෙන් උපරිම ප්‍රයෝජන ගන්න පුළුවන් කොහොමද?

ඒක කරන්නේ කොහොමද?

• අධ්‍යයනයට පාවිච්චි කරන බයිබලයේ ඔයාට වැදගත් වෙන බයිබල් පද හයිලයිට් කරන්න. ඔයා හොයාගන්න තොරතුරු සටහන් කරන්න

• බයිබලයේ කොටසක් කියවද්දී ඒකේ කතා කරන්නේ කවුරු ගැනද, මොකක් ගැනද, ඒක වුණේ කවදාද, කොහේදීද, එහෙම වුණේ ඇයි, ඒක වුණේ කොහොමද කියලා හොඳට කල්පනා කරන්න

• අධ්‍යයනය කරන්න සකස් කරලා තියෙන මෙවලම් පාවිච්චි කරලා යම් විෂයක් යටතේ හරි බයිබල් පදයක් යටතේ හරි ඒ තොරතුරු ගැන තවත් හොඳින් හොයලා බලන්න

• කියවන තොරතුරු ඔයාට අදාළ වෙන විදිහ ගැන හොඳට හිතන්න

• ඔයා ඉගෙනගන්න දේවල් එදිනෙදා ජීවිතයේදී අදාළ කරගන්න.—ලූක් 6:47, 48

‘පෞද්ගලික අධ්‍යයනය කිරීමෙන් “සත්‍යය තදින් අල්ලගන්න”’ කියන වීඩියෝ එක බලලා මේ ප්‍රශ්නවලට උත්තර දෙන්න.

• සමහර අය පෞද්ගලික අධ්‍යයනය ගැන කිව්වේ මොනවාද?

• පෞද්ගලික අධ්‍යයනය කරන්න කලින් යාච්ඤා කරන්න ඕනෙ ඇයි?

• බයිබල් පදයක් තවත් හොඳින් තේරුම්ගන්න අපිට උදව් වෙන්නේ මොනවාද?

• ඔයාගේ බයිබලයේ අවශ්‍ය කරුණු සටහන් කරගන්න පුළුවන් ක්‍රම මොනවාද?

• අධ්‍යයනය කරන තොරතුරු ගැන හොඳට හිතන එක වැදගත් ඇයි?

• යම් දෙයක් ගැන අධ්‍යයනය කළාට පස්සේ අපි කරන්න ඕනෙ මොනවාද?