ඔන්ලයින් ලයිබ්‍රරි

වොච්ටවර්

ඔන්ලයින් ලයිබ්‍රරි

සිංහල

mwb16 අප්‍රියෙල් 3 පි.
කාරුණික වචනවලින් අන් අයව දිරිගන්වලා ශක්තිමත් කරන්න

2016 ක්‍රිස්තියානි ජීවිතය සහ දේවසේවය වැඩපොත

mwb16 අප්‍රියෙල් 3 පි.

දේවවචනය නිධානයක් | යෝබ් 16-20

කාරුණික වචනවලින් අන් අයව දිරිගන්වලා ශක්තිමත් කරන්න

උපදෙස් දෙන කෙනෙක්ගේ වචනවලින් අනිත් අය දිරිගැන්වෙන්න ඕනේ

කලකිරිලා වේදනාවෙන් හිටිය යෝබ්ට අන් අයගේ උපකාරය හා දිරිගැන්වීම ඕන වුණා
යෝබ්ගේ මිතුරන් 3දෙනා, සනසන්න කිසි දෙයක් නොකියා ඔහුට චෝදනා කරලා ඔහුව මානසිකව වැට්ටුවා

බිල්දද්ගේ අකාරුණික වචනවලින් යෝබ්ගේ වේදනාව වැඩි වුණා

මරණයෙන් හරි සහනයක් ලබා දෙන්න කියලා යෝබ් දෙවිට කන්නලව් කෙරුවා
නැවත නැඟිටීමේ බලාපොරොත්තුව ගැන හිතලා යෝබ් විශ්වාසවන්තව විඳදරාගත්තා

බිල්දද් සහ ෂෝපර් බලාගෙන ඉද්දී එලිෆස් යෝබ්ට කතා කරනවා

යෝබ්ට චෝදනා කරපු අය

එලිෆස්:

ඒදොම්හි තේමාන් දේශයේ කෙනෙක්. යෙරෙමියා 49:7ට අනුව තේමාන්වල බුද්ධිමත් ඒදොම්වරු ඉඳලා තියෙනවා
යෝබ්ව ‘සනසන්න’ ආපු අයගෙන් වැඩිමල් වගේම කතාවට දක්ෂ එලිෆස් මුලින්ම කතා කළා. ඔහු තුන්පාරක්ම අනිත් දෙන්නාට වඩා වැඩියෙන් කතා කළා

බොරු චෝදනා:

දෙවි තම සේවකයන්ව විශ්වාස කරන්නේ නැහැ කියලා කියමින් යෝබ් දෙවිට විශ්වාසවන්තව ඉන්න එක ගැන සමච්චල් කළා (යෝබ් 4, 5)
යෝබ් උඬඟු, දුෂ්ට කෙනෙක් කියලා කිව්වා. ඇඟෙව්වේ දෙවිට බය නැති කෙනෙක් කියලයි (යෝබ් 15)
යෝබ් ලෝභ, අසාධාරණ කෙනෙක් කියලා කිව්වා. දෙවිට මිනිසුන්ගෙන් වැඩක් නැහැ කියලත් ඇඟෙව්වා (යෝබ් 22)

බිල්දද්:

ඔහු ෂුවාගෙන් පැවතෙන කෙනෙක්. ජීවත් වෙන්න ඇත්තේ යුප්‍රට්‍රීස් ගඟ අසල
දෙවෙනියට කතා කළේ ඔහුයි. තුන්පාරම ඔහු කතා කළේ කෙටියෙන් වුණත් එලිෆස්ට වඩා දරුණු දේවල් කිව්වා

බොරු චෝදනා:

යෝබ්ගේ පුතාලාට විපතක් වුණේ ඔවුන් කරපු වැරදි නිසයි කියලා ඇඟෙව්වා. යෝබ්ට දෙවි කෙරෙහි භක්තියක් නැහැ කියලත් කිව්වා (යෝබ් 8)
යෝබ් වැරදිකරුවෙක් කියලා ඇඟෙව්වා (යෝබ් 18)
මිනිසුන් දෙවිව විශ්වාස කරන එකෙන් වැඩක් නැහැ කියලා කිව්වා (යෝබ් 25)

ෂෝපර්:

පෙළපත හෝ පදිංචිව සිටි ස්ථානය නයමාතිය. වයඹදිග අරාබියේ කෙනෙක්
තුන්වෙනියට කතා කෙරුව ඔහු තමයි දරුණුම විදිහට චෝදනා කළේ. ඔහු කතා කළේ දෙපාරයි

බොරු චෝදනා:

යෝබ් හිස් වචන දොඩනවා කියලා චෝදනා කළා. දුෂ්ටකම් අත්හරින්න කියලා යෝබ්ට කිව්වා (යෝබ් 11)
යෝබ් දුෂ්ට, පව්වලට ඇලුම් කරන කෙනෙක් කියලා කිව්වා (යෝබ් 20)