කනගාටුදායක සිදුවීම්

හැම කෙනෙකුටම කවදා හරි කනගාටුදායක දෙයකට මුහුණ දෙන්න වෙනවා. ඒකට දුප්පත් පොහොසත් භේදයක් නැහැ.

බයිබලයේ කියන්නේ මෙහෙමයි

“වේගවත්ම අය තරඟයෙන් ජය නොගනිති. බලවතුන්ද යුද්ධයෙන් ජය ගන්නේ නැත. ප්‍රඥාවන්තයන්ට කෑම සොයාගැනීමට නොහැකි වෙයි. බුද්ධිමතුන්ට වස්තුව නොලැබෙයි. මනා අවබෝධයකින් කටයුතු කරන අයට නිසි පිළිගැනීමක්ද නොලැබෙයි. මන්ද නොසිතන මොහොතක බලාපොරොත්තු නොවූ දේවල් ඒ සියලුදෙනාටම සිදු විය හැක.”—දේශනාකාරයා 9:11.

විපතක් වෙයිද නැද්ද කියලා හිතනවා වෙනුවට ඒ වගේ දේකට මුහුණ දෙද්දී අපි මොනවාද කරන්නේ කියන එක ගැන හිතලා බලමු. උදාහරණයකට,

• ස්වාභාවික විපතකින් හැම දෙයක්ම අහිමි වුණොත්?

• ජීවිතයට තර්ජනයක් වෙන ලෙඩක් හැදිලා කියලා දැනගන්න ලැබුණොත්?

• ඔබ ආදරේ කරන කෙනෙක් මිය ගියොත්?

එවැනි දේවල්වලට සාර්ථකව මුහුණ දෙන්න සහ අනාගතය ගැන බලාපොරොත්තුවක් ඇතුව ඉන්න බයිබලයේ සඳහන් මඟ පෙන්වීම් උපකාරවත් වන බව මෙම සඟරාවේ ප්‍රකාශකයන් වන යෙහෝවා දෙවිගේ සාක්ෂිකරුවන් විශ්වාස කරනවා. (රෝම 15:4) එය තහවුරු වෙන අද්දැකීම් තුනක් ගැන අපි බලමු.