මනායින් වගේ යෙහෝවාට සේවේ කරන එක ජීවිතේ වැදගත්ම දේ කරගන්න

මනායින් කියන්නේ මුල් සියවසේ අන්තියෝකියේ තිබුණ සභාවේ මූලිකත්වය අරන් වැඩ කරපු කෙනෙක්. එයා ‘ඉගෙනගත්තේ දිසාපති වුණ හෙරොද් එක්ක.’ (ක්‍රියා 13:1) ඉතින් එයා හොඳ අධ්‍යාපනයක් ලබලා තිබුණා. පේන විදිහට එයා හැදී වැඩුණෙත් ධනවත් පවුලක.

ඒ වගේ පසුබිමකින් ආවත් ක්‍රිස්තියානියෙක් වෙන්නත් සභාව වෙනුවෙන් මහන්සි වෙලා වැඩ කරන්නත් මනායින් තීරණේ කළා. එයා ලබපු අධ්‍යාපනයෙන්වත් සමාජයේ ලොකු ලොක්කන්ගේ දැන ඇඳුනුම්කම්වලින්වත් එයා එයාට ප්‍රයෝජන ගන්න බැලුවේ නැහැ. ඒ වෙනුවට එයා වෙහෙස මහන්සි නොබලා සහෝදරයන්ට උදව් කළා.

සල්ලි, ප්‍රසිද්ධිය පස්සේ යනවාට වඩා යෙහෝවාට සේවේ කරන එක කොච්චර වැදගත්ද කියලා මනායින්ගේ ආදර්ශයෙන් පේනවා. අපිත් ඒ වගේ දේවල් පස්සේ යනවා වෙනුවට නමස්කාරේ දේවලට මුල් තැන දෙන්න අධිෂ්ඨාන කරගන්න ඕනේ. (මතෙ. 6:33) ඇත්ත, හොඳ අධ්‍යාපනයක් ලබන එක අපි වැදගත් දෙයක් විදිහට සලකනවා. ඒත් අපි ‘වඩා වැදගත් දේවල් මොනවාද කියලා තේරුම්ගන්න’ ඕනේ. ඒ වගේම කිසිම දෙයක් නිසා යෙහෝවාට කරන සේවෙට බාධා වෙන්න අපි ඉඩ දෙන්න හොඳ නැහැ.—ෆිලි. 1:9, 10.