අධ්යයනයට යෝජනාවක්!
අධ්යයනය කරන්න කලින් . . .
අපිට ඕනෙ බයිබලේ අධ්යයනය කරද්දී අපි යෙහෝවා ගැන ඉගෙනගන්න දේවල් අපේ හදවතට යනවා දකින්න. ඒත් කොහොමද ඒක කරන්නේ? එස්රා ඒකට හොඳ ආදර්ශයක්. එයා ‘යෙහෝවාගේ නීතිය සෝදිසි කරලා බලන්න මුළු හිතින්ම අධිෂ්ඨාන කරගත්තා.’ (එස්රා 7:10) එස්රා වගේ වෙන්න අපිට පුළුවන් කොහොමද?
යාච්ඤා කරන්න. අධ්යයනය කරන හැම පාරම යාච්ඤාවක් කරලාම ඒක පටන්ගන්න. ඉගෙනගන්න දේවල් තේරුම්ගන්න, ඒවා ජීවිතේට අදාළ කරගන්න යෙහෝවාගෙන් උදව් ඉල්ලන්න.—ගීතා. 119:18, 34.
නිහතමානී වෙන්න. බයිබලේ ඉගෙනගන්න දෙවියන්ගේ උදව් ඕනෙ නැහැ කියලා හිතන උඩඟු අයට දෙවියන් සත්යය එළිදරව් කරන්නේ නැහැ. (ලූක් 10:21) දැනුම ප්රදර්ශනය කරන්න හිතාගෙන අධ්යයනය කරන්න එපා. අධ්යයනය කරද්දී වෙනස් කරගන්න ඕන පැති දැක්කාම නිහතමානී වෙලා ඒ වෙනස්කම් කරගන්න.
ගීතිකාවක් හරි අපේ සින්දුවක් හරි අහන්න. සංගීතයට පුළුවන් අපේ හදවත් ස්පර්ශ කරන්න. නමස්කාරයේ දේවලට අපිව සූදානම් කරන්නත් ඒකට පුළුවන්. ඒ නිසා ගීතිකාවක් හරි අපේ සින්දුවක් හරි අහලාම අධ්යයනය කරන්න පටන්ගද්දී අධ්යයනයට අපේ හදවත් සූදානම් කරගන්න අපිට පුළුවන්.