යහපත් ක්රිස්තියානීන් වෙමු
විවාහ බැඳීම ශක්තිමත් කරගන්න පුළුවන් කොහොමද?
විවාහ යුවළක් වුණු ආබ්රහම් සහ සාරා එකිනෙකාට ආදරෙන්, ගෞරවෙන් සැලකීම සම්බන්ධයෙන් කදිම ආදර්ශයක්. (උත් 12:11-13; 1පේතෘ 3:6) ඒත් ඒ දෙන්නා අතරෙත් ප්රශ්න මතු වුණා. අභියෝගවලට මුහුණ දෙන්නත් එයාලට සිද්ධ වුණා. ඒ දෙන්නාගෙන් විවාහ යුවළයන්ට ඉගෙනගන්න පුළුවන් මොනවාද?
හොඳ අදහස් හුවමාරුවක් පවත්වගන්න. සැමියා/බිරිඳ කේන්තියෙන් කතා කරද්දී ඔයා කේන්ති ගන්නේ නැතුව එයාව තේරුම්ගන්න උත්සාහ කරන්න. (උත් 16:5, 6) දෙන්නා එකට කාලය ගත කරන්න සැලසුම් කරන්න. කතාවෙනුත් ක්රියාවෙනුත් ඔයාගේ ආදරේ එයාට දැනෙන්න සලස්වන්න. ඒ හැම දේටම වඩා යුවළක් විදිහට යෙහෝවා දෙවියන් එක්ක තියෙන බැඳීම ශක්තිමත්ව පවත්වගන්න වෑයම් කරන්න. (දේශ 4:12) දෙන්නා එකතු වෙලා බයිබලය අධ්යයනය කරන එක, යාච්ඤා කරන එක සහ නමස්කාර කටයුතුවල නිරත වෙන එක ඒකට උදව් වෙනවා. ශක්තිමත් විවාහ බැඳීමක් පවත්වගද්දී විවාහය කියන පරිශුද්ධ සැලැස්මේ නිර්මාතෘ වන යෙහෝවා දෙවියන්ව ගෞරවයට පත් වෙනවා.
‘විවාහ බැඳීම ශක්තිමත් කරගන්නේ කොහොමද?’ කියන වීඩියෝ එක බලලා මේ ප්රශ්නවලට උත්තර දෙන්න.
ෂාන් සහ කියාරා ටිකෙන් ටික ඈත් වෙනවා කියලා පේන්න තිබුණේ මොන වගේ දේවල් නිසාද?
විවාහ යුවළක් අතරේ අවංක අදහස් හුවමාරුවක් පවත්වගන්න එක වැදගත් ඇයි?
ආබ්රහම් සහ සාරාගේ ආදර්ශය ෂාන්ටයි, කියාරාටයි උදව් වුණේ කොහොමද?
විවාහ බැඳීම ශක්තිමත් කරගන්න ෂාන් සහ කියාරා කළේ මොනවාද?
යුවළක් එකිනෙකාගෙන් පරිපූර්ණත්වය බලාපොරොත්තු වෙන්න හොඳ නැත්තේ ඇයි?
විවාහ බැඳීම ශක්තිමත් කරගන්න ඔයාටත් පුළුවන්