පොළොව “ගංගාව ගිල දැම්මේය”

අතීතයේ විවිධ අවස්ථාවලදී බලධාරීන් යෙහෝවා දෙවිගේ සාක්ෂිකරුවන්ට පක්ෂව කටයුතු කරලා තියෙනවා. (එස්රා 6:1-12; එස්ත 8:10-13) “පොළොව” විසින් ඒ කියන්නේ සාධාරණව කටයුතු කරන මිනිස් සමාජයේ ආයතන හෝ සංවිධාන විසින් “මකරා” තම කටින් පිට කරන පීඩා නමැති “ගංගාව” මේ කාලේදීත් ගිල දාලා තියෙනවා. (එළි 12:16) “අපේ ගැලවුම්කරු” වන යෙහෝවා දෙවියන් සමහර අවස්ථාවලදී තමන්ගේ සෙනඟට උපකාර කරන්න මිනිස් පාලකයන්ව පොලඹවනවා.—ගීතා 68:20; හිතෝ 21:1.

දෙවියන්ට විශ්වාසවන්තව ඉන්න නිසා ඔයාට හිරදඬුවම් විඳින්න වුණොත් නැත්නම් දැනටමත් ඔයා හිරදඬුවම් විඳිනවා නම් අධෛර්යය වෙන්න එපා. මොකද යෙහෝවා දෙවියන් ඔයාව අත්හරින්නේ නැතුව ඔයාත් එක්කම ඉන්නවා. (උත් 39:21-23; ගීතා 105:17-20) ඔයාගේ විශ්වාසවන්තකමට දෙවියන් අනිවාර්යයෙන්ම ආශීර්වාද කරනවා කියලත් ඔයාගේ විශ්වාසය අනිත් සහෝදරයන්ට ලොකු හයියක් කියලත් මතක තියාගන්න.—ෆිලි 1:12-14; එළි 2:10.

‘කොරියාවේ සහෝදරයන්ව සිරෙන් නිදහස් කරයි’ කියන වීඩියෝ එක බලලා මේ ප්‍රශ්නවලට උත්තර දෙන්න.

• අවුරුදු ගාණක් තිස්සේ දකුණු කොරියාවේ සහෝදරයන්ට හිරදඬුවම් විඳින්න වුණේ ඇයි?

• අපේ සමහර සහෝදරයන්ට නියමිත කාලයට කලින් හිරෙන් නිදහස් වෙන්න පුළුවන් වුණේ අධිකරණවලින් ලැබුණු මොන තීන්දු නිසාද?

• සමහර රටවල දෙවියන්ට විශ්වාසවන්තව ඉන්න නිසා හිරදඬුවම් විඳින අපේ සහෝදරයන්ට උදව් කරන්න අපිට පුළුවන් කොහොමද?

• මේ කාලේදී අපි අද්දකින නිදහසින් උපරිම ප්‍රයෝජන ගන්න අපිට පුළුවන් කොහොමද?

• නඩු විභාගවලදී අපි ලබන හැම ජයග්‍රහණයක් සම්බන්ධයෙන්ම ප්‍රශංසාව ලැබෙන්න ඕනෙ කාටද?