‘යමක් වෙන් කර තබන්න’

මුල් ක්‍රිස්තියානි සභාව තුළ අවධානයට යොමු කළ යුතු ආකාරයේ ද්‍රව්‍යමය අවශ්‍යතා මතු වුණා. වැඩි වැඩියෙන් දේවල් උපයාගනිද්දී එම අවශ්‍යතා සපුරාලීම සඳහා සම්මාදමක් හැටියට ‘යමක් වෙන් කර තබාගන්න’ කියා සෑම කෙනෙකුවම දිරිගන්වනු ලැබුවා. (1 කොරි. 16:1-3) ඔවුන්ගේ එම ත්‍යාගශීලිත්වය නිසා, ‘දෙවිට බොහෝ ස්තුති දීමෙන්’ සියලුදෙනාම ප්‍රීතියක් ලැබුවා.—2 කොරි. 9:11, 12.

අදදින යෙහෝවාගේ සෙනඟ කරන ලෝක ව්‍යාප්ත සේවය දස දෙස පුළුල් වෙමින් පවතින අතර, ඒ සඳහා මූල්‍යමය සහයෝගය වැඩි වැඩියෙන් අවශ්‍යයි. අවශ්‍යතා සපුරාලීම සඳහා අපත් නිතිපතා ‘යමක් වෙන් කර තැබීම’ සුදුසුයි. (2 කොරි. 8:3, 4) ද්‍රව්‍යමය ලෙස කරන පරිත්‍යාගයන් විවිධාකාරයෙන් කළ හැකියි. (මුරටැඹ 2001 නොවැම්බර් 1 පිටු 28-9 දක්වා බලන්න.) අප මෙය සලකන්නේ සැබෑ සන්තෝෂය ගෙන දෙන වරප්‍රසාදයක් හැටියටයි.—ක්‍රියා 20:35.