පාඩම් කලාපය

අපිට ලැබිලා තියෙන ආශීර්වාද ගැන කල්පනා කරලා ඒ ගැන දෙවිට ස්තුති කරද්දී ඔහු ගැන අපේ හිතේ තියෙන අගය වැඩි වෙනවා. යෙහෝවා දෙවි අපි වෙනුවෙන් කරලා තියෙන දේවල් අපි අගය කරනවා නම් පීඩා දරාගන්නත් කෘතගුණ පිරුණු හදවතක් තියෙන කෙනෙක් වෙන්නත් අපිට පුළුවන්. ඒක මතකයේ තියාගන්න 2015 වාර්ෂික පදය අපිට උදව්වක්.

සිහි කිරීමට සහභාගි වෙන්න ඕනෙ ඇයි කියලත් රොටිවලින් සහ වයින්වලින් නියෝජනය කරන්නේ මොනවද කියලත් මේ ලිපියෙන් අපිට පැහැදිලි කරනවා. රොටි කන්නත් වයින් බොන්නත් තමන් සුදුසුයි කියලා කෙනෙක් තහවුරු කරගන්නේ කොහොමද කියලත් සිහි කිරීමට සූදානම් වෙන්න පුළුවන් මොන වගේ විදිවලින්ද කියලත් මේ ලිපියේ කතා කරනවා.

යුවළක් තමන්ගේ විවාහය මේ දුෂ්ට සමාජයෙන් එල්ල වෙන පීඩනවලින් සහ වැරදි පෙලඹීම්වලින් ආරක්ෂා කරගන්න ඕනේ. යෙහෝවා දෙවිගේ උදව්වෙන් තමන්ගේ පවුල් ජීවිතය සතුට පිරුණු, ශක්තිමත් එකක් කරගන්න බැරිකමක් නැහැ. එහෙම කරන්න පුළුවන් විදි 5ක් ගැන පළවෙනි ලිපියේ කතා කරනවා. දෙවෙනි ලිපියේ විවාහය ආරක්ෂා කරගන්න පුළුවන් කොහොමද කියලා පෙන්නලා දෙනවා.

සැබෑ ආදරයේ නියම අරුත මොකක්ද? යුවළකට හැමදාටම ආදරෙන් ඉන්න පුළුවන්ද? හිතේ තියෙන ආදරේ පෙන්නන්නේ කොහොමද? කිසිදා නොවෙනස් වෙන සැබෑ ආදරය ගැන සලමොන්ගේ ගීතිකාවෙන් ඉගෙනගන්න.