දස දෙසින්

චීනය

පසුගිය වසරට සාපේක්ෂව 2013 මුල් මාස 9 තුළදී පමණක් බීජිං නුවරේ සිදු වන දික්කසාද සංඛ්‍යාව සියයට 41කින් ඉහළ ගොස් තිබෙනවා. නිවසක් විකිණීමේදී විවාහක යුවළකට ලැබෙන ලාභයෙන් සියයට 20ක නව බද්දක් ගෙවීමට සිදු වීමත් දික්කසාද වූ අය නිවසක් විකිණීමේදී බදු සහන ලැබීමත් ඊට හේතුව වෙන්න ඇතැයි කියා විද්වතුන් හිතනවා.

ලොව වටා

කෘමීන්ව ආහාරයට ගැනීමෙන් මන්දපෝෂණය පිටුදැකීමට හැකියි කියා එක්සත් ජාතීන්ගේ සංවිධානය කියනවා. “අපි කෑමට නොගන්නා, පෝෂණයෙන් අධික දේවල් කෘමීන් ආහාරයට ගන්න නිසාත් කෘමීන් පෝෂණ ගුණයෙන් අනූන නිසාත් ආහාරයට සුදුසු කෘමීන්ව කෑමෙන් මස්වලින් ලැබෙන පෝෂණයම ලබාගන්න පුළුවන්” කියා වාර්තාවක සඳහන් වුණා. “ඒත් සමහර අය කෘමීන්ව ආහාරයට ගන්න වැඩිය කැමති නැහැ” කියාත් ඔවුන් සඳහන් කරනවා.

කැනඩාව

රසායනාගාරවල තැන්පත් කර තිබෙන, අයිතිකරුවන්ව සොයාගන්න බැරි කලලවලට සිදු කරන්නේ කුමක්ද කියා තීරණයක් ගැනීමට නොහැකිව එහි නිලධාරීන් විශාල ගැටලුවකට මැදි වී සිටිනවා. මන්ද ඒවා විනාශ කිරීම නීතිය හා සදාචාරය සම්බන්ධ ගැටලුවක්. එක් රසායනාගාරයක පමණක් එවැනි කලල 1,000ක් තිබෙනවා.

අයර්ලන්තය

පල්ලියෙන් විවාහ වෙන්නේ නැත්නම් විවාහය ලියාපදිංචි කිරීම හැර වෙනත් විකල්පයක් 2013 වන තුරු කතෝලිකයන්ට තිබුණේ නැහැ. ඒත් එම වසරේ සිට මානව හිතවාදී කණ්ඩායමක් විසින් විවාහ මෙහෙයන් පැවැත්වීමේ ක්‍රමයක් හඳුන්වාදී තිබෙනවා. පල්ලියෙන් විවාහ වීමට අකමැති ඒත් ලියාපදිංචි කිරීමට අමතරව දිරිගන්වන කතාවක් වගේ දෙයක් අහන්න ආස අය ඒ සඳහා කැමැත්තක් දක්වනවා. ඒ නිසා දැන් එයට තිබෙන්නේ විශාල ඉල්ලුමක්.