“Ala yeke mä ande tënë ti abira”

“Na ngoi so mbi yeke lani journaliste, mbi yeke fa asango na ndö ti abira so asi na yâ ti dunia kue ahon 40 tongaso. Mbi bâ lani so bira so ayeke na popo ti États-Unis nga na Union soviétique akiri aga ngangu mingi. Na pekoni, mbi bâ so gï hio tongaso bira ni ahunzi. Me, gingo bê so mbi yeke na ni na ngu 2025 so, ade mbi wara mara ni lâ oko ape. Mbeni raison so asara si mbi gi bê ti mbi mingi ayeke ndali ti so bira ahon ndö ni. Mbeni raison ni nde ayeke so, abira ni asara si azo abâ pasi mingi na yâ ti dunia kue.”—John Simpson, BBC world affairs editor.

Azo ayeke gi bê ti ala mingi ndali ti abira so ayeke si na yâ ti dunia kue. Mingi ti azo ayeke hunda terê ti ala wala abira ni so ayeke hunzi ande. Nyen la Jésus afa lani?

Ye so Jésus afa lani

Jésus afa kozo awe tënë ti aye so ayeke si laso. Lo tene lani na adisciple ti lo, lo tene: “Ala yeke mä ande tënë ti abira.”—Matthieu 24:6.

Atâa so abira nga na sarango ye ti ngangu na zo asara si e gi bê ti e mingi, mbeni nzoni raison ayeke dä so asara si e yeke na beku. Ngbanga ti nyen? A yeke ndali ti so Jésus atene lani so abira nga na ambeni ye so ayeke si asara si azo kue ayeke bâ pasi, na tapande, fason so azo ayeke vivre na ni nga na asarango ye ti ala afa “signe” ti “ngoi so aye ti ngoi so ayeke gue ti hunzi.” (Matthieu 24:3; Luc 21:7). Ye so afa so na yâ ti angoi so ayeke ga, Jésus ayeke hunzi ande abira kue. Lo yeke sara ni tongana nyen?

Ye so Jésus ayeke sara ande

Na yâ ti angoi so ayeke ga, Jésus, so ayeke Gbia ti Royaume ti Nzapa, ayeke sara ande si “abira ahunzi na ndö ti sese kue.”—Psaume 46:9.

Ti hinga aye mingi na ndö ti pendere gigi ti kekereke so, gango tâ tënë ni nga na aye ti nzoni so e yeke wara ande, diko article “Tongana nyen la bira nga na sarango ye ti ngangu na zo ayeke hunzi ande? .”