Bira so ayeke na Moyen-Orient: Bible atene nyen na ndö ni?

Azo na yâ ti dunia kue ayeke gi bê ti ala na ndö ti aye so ayeke passé na États-Unis, Israël nga na Iran. Eskê ye ni ayeke ga ande sioni nga a yeke ga mbeni bira so ayeke ndu gbâ ti akodro? Eskê agouvernement apeut ti kanga lege na bira ni nga ti ga na tâ siriri?

Azo so ahinga tënë na ndö ti aprophétie ti Bible apeut ti hunda terê ti ala wala bira so ayeke na Moyen-Orient apeut ti sara si bira ti Harmaguédon alondo tongana ti so a fa lani kozo awe na yâ ti mbeti ti Apocalypse.

Bible atene nyen na ndö ni?

Eskê agouvernement ayeke hunzi ande bira so ayeke na Moyen-Orient?

Bible atene: “Zia bê ti mo na ndö ti amokonzi wala na ndö ti mbeni molenge ti zo pëpe, so lo lingbi ti sö zo pëpe.”—Psaume 146:3.

Tongana ngoi ayeke hon, aye so ayeke si la ayeke fa ande na e wala agouvernement ayeke capable ti ga na siriri na Moyen-Orient. Me, Bible afa polele so mbeni zo ti poroso, gouvernement ti azo wala groupe ti ambeni zo apeut ape ti hunzi bira nga ti ga na tâ siriri. Gï Royaume ti Nzapa la apeut ti sara si ‘abira ahunzi na ndö ti sese kue.’—Psaume 46:9.

• Ti hinga ye mingi na ndö ni, diko Tour ti Ba Ndo so li ni ayeke “Tongana nyen la bira ayeke hunzi ande?”

Eskê bira so ayeke na Moyen-Orient asara si prophétie ti Bible aga tâ tënë?

Bible atene: “Ala yeke mä ande tënë ti abira so atï nduru na ala wala abira so atï yongoro na ala. . . . Mara ayeke londo na bira na terê ti mbeni mara, na royaume ayeke londo na bira na terê ti mbeni royaume.”—Matthieu 24:6, 7.

Bira so ayeke na Moyen-Orient laso ayeke mbeni oko ti aye so afa so “aye ti ngoi so ayeke gue ti hunzi” nga afa polele so e yeke na “lâ ti nda ni”. (Matthieu 24:3; 2 Timothée 3:1). Abira so e yeke bâ laso afa so fafadeso Nzapa ayeke hunzi bira nga na aye so asara si azo ayeke bâ pasi.

• Ti hinga ye mingi na ndö ni, diko article “Quel est le signe des ‘derniers jours’, ou ‘temps de la fin’ ?”

Eskê Harmaguédon ayeke komanse ande na Moyen-Orient?

Bible atene: “A bungbi ala na ndo so a iri ni na yanga ti Hébreu, a tene: Harmaguédon”—Apocalypse 16:16.

Bira ti Harmaguédon ayeke pëpe mbeni bira so ayeke na popo ti agouvernement so ayeke komanse ande na Moyen-Orient. A yeke mbeni bira so ayeke duti ande na popo ti Nzapa nga na gouvernement ti azo.

• Ti hinga ye mingi na ndö ni, diko article “Qu’est-ce que la bataille d’Armaguédon ?”

Nyen la apeut ti aidé e ti gi bê ti e ape na ndö ti aye so ayeke si?

Bible atene: “Ala gi bê ti ala na ndö ti mbeni ye pëpe, me na yâ ti aye kue, na lege ti sambela, na lege ti vorongo terê na Nzapa nga na sambela ti kiringo singila, ala hunda na Nzapa aye so agbu bê ti ala”.—aPhilippien 4:6.

Jéhovaha Nzapa aye ti tene e sambela lo. Ndali ti so Nzapa ayeke bi bê ti lo na ndö ti e, lo yeke mä asambela ti e nga lo yeke aidé e ti hon ndö ti agingo bê ti e (1 Pierre 5:7). Lo yeke aidé e ti hinga ndani so abira angbâ lakue, me nga tongana nyen la a yeke hunzi ande nga na ye so lo yeke sara ande ti hunzi aye ti vundu nga na pasi so bira aga na ni.—Apocalypse 21:3, 4.

• Ti hinga ye mingi na ndö ti ye so Nzapa ayeke sara ti aidé e, diko article “La Bible peut-elle m’apporter du réconfort ?.”