Gi ti leke tënë na ita ti mo hio

Na tapande, tongana mbeni bio akungbi, mbeni docteur adoit ti soigné ni hio, na pekoni songo ni ayeke kaï. Me tongana a soigné ni hio ape a yeke ngbâ ti son. Ye so ayeke sioni mingi ayeke so tongana a soigné ni hio ape, a peut ti kiri na place ni ape nga a peut ti sara kua nzoni ape.

Tongana ti mbeni bio so afâ, tongana songo so ayeke na popo ti ambeni ita abuba, a yeke nzoni ala leke ni hio. Tongana ala sara ni ape, kpale ti peko ni ayeke ngbâ. Mo peut ti bata ita ni na bê nga lo peut ti duti kamarade ti mo encore ape. Jésus atene: “Gi ti leke tënë hio.” (Mat. 5:25). Tongaso, pusu nduru na kamarade ti mo ni nga zia ala sara tënë polele na ndö ti kpale ni. Ngbanga ti nyen la a peut ti duti ngangu ti sara ni? Zia e bâ ambeni raison ni use.

Kozo ni, bê ti mo apeut ti pusu mo ti sara sanka ti kpale ni, peut-être ndali ti so a nzere ka na mo ape ti sara tënë na ndö ti akpale.b A yeke ye so asi lani na Évodie na Syntyche, so bê ti ala ason na terê ti mba. Peut-être kpale ni aninga lani ndali ti so même Paul so ayeke yongoro na Rome amä tënë ni. Lo wa lani ala ti sara ye kue so ala bezoin ti sara ti duti na siriri na popo ti ala (aPhil. 4:2). Tongana ala sara terê ti ala kete, ala sara tënë polele na mba nga ala pardonné mba, ala peut ti kiri ti ga akamarade.

Use ni, peut-être mo yeke ku ti tene mba ti mo ni ayeda so faute ni ayeke ti lo. Me ye so mo ye ayeke ti tene ala ngbâ akamarade me pëpe ti hinga zo wa la ayeke na faute. Mbeni docteur so ayeke soigné mbeni bio so afâ ayeke gi gï ti soigné ni, me lo yeke gi pëpe ti hinga anzene nzene ye kue so asara si bio ni afâ. Na ngoi so ala yeke sara lisoro, gi pëpe ti hinga zo wa la ayeke na faute, me girisa ape so songo so ayeke na popo ti ala la ayeke kota mingi nga zia li ti mo na ndö ti ye so ala bezoin ti sara ti leke ni.

Tongana mo na mbeni ita awara tënë, sara lisoro na lo laso ti leke songo so ayeke na popo ti mo na lo. Bible atene: “Ala zia lâ akui na ndö ti ala na ngonzo na bê pëpe.” (aÉph. 4:26). Tongana mo mû li ni ti leke tënë ni hio, mo yeke aidé ti bata ‘kamba ti siriri so abungbi e oko.’—aÉph. 4:​1-3.