Leke acommentaire so akpengba zo

Na ngoi ti abungbi ti e, e yeke na pasa ti kpengba aita na lege ti acommentaire ti e (aHéb. 10:​24, 25). Tongana nyen la e peut ti leke acommentaire so ayeke kpengba biani aita?

• Sambela Jéhovah. Hunda lo ti aidé mo ti mû commentaire so ane lo nga so akpengba azo.—Ps. 35:18.

• Diko dikongo ape atënë so ayeke na yâ ti mbeti ni. Tongana mo kiri tënë na lege ti atënë ti mo wani, azo ayeke wara ye ti nzoni mingi na lege ti atënë ti mabe ti mo so mo fa ni.

• Sara tënë nduru. Mingi ni, acommentaire so ayo ape nga so akpengba ape akpengba azo nga amû lege na azo mingi ti kiri tënë na ngoi ti bungbi ni.—aProv. 10:19.

• Tene anzoni tënë. Kpe ti mû wango wala ti kasa aita na yâ ti commentaire ti mo.

Même tongana a mû mo ti kiri tënë ape mo peut lakue ti kpengba azo. Dengi mê nzoni na acommentaire ti amba ti mo nga gonda ala ndali ni.—aProv. 10:21.