Zia aye ti yingo na kozo ndo tongana Manaën

Manaën ayeke lani mbeni oko ti aita so ayeke mû li ni na yâ ti congrégation ti akozo Chrétien na Antioche. Lo ‘manda mbeti oko na Hérode, komanda ti sese ni.’ (Kus. 13:1). Tongaso, Manaën amanda lani mbeti nzoni mingi nga peut-être lo kono na yâ ti sewa so ayeke na mosoro.

Atâa so Manaën amanda mbeti nzoni nga lo yeke na yâ ti sewa so ayeke na mosoro, lo soro ti ga Chrétien nga ti sara kua mingi na yâ ti congrégation. Atâa so lo hinga mbeti nga lo hinga akota zo, lo profité na ni ape ti wara kota ndo, me lo sara kua ndali ti aita ti lo.

Tapande ti Manaën afa na e so vorongo Jéhovah ayeke kota ye mingi ahon gango zo na yâ ti dunia so. Legeoko tongana lo, a yeke nzoni e zia aye ti yingo na kozo ndo ahon tombango peko ti aye ti dunia so. Na ndö ni, atâa so e bâ mandango mbeti na nene ni, e yeke gi ti hinga aye so ayeke biani kota ye mingi ahon atanga ni nga e yeke sara kue ti tene gingo ti wara aye ti dunia so akanga lege na e ape ti voro Jéhovah.—aPhil. 1:​9, 10.