Kapa ti Bungbi ti Kusala

Yenga ti 11 août

Bia 63

pn 10: Atokua ti kongregation. Hunda na azo ti fa a-article wa na yâ ti afini périodique so ala bâ alingbi ti nzere na azo ti territoire ni. Tisa ala ti fa ambilimbili tënë wa na yâ ti a-article ni ala leke ti sara tënë na ndo ni. Tënë wa a lingbi ti hunda ni ti to nda ti lisoro? Versê wa ti yâ ti article ni a lingbi ti diko na pekoni? Sara démonstration ti fa tongana nyen a lingbi ti sara kusala na atapande ti fango apériodique.

pn 15: Sara ye so bê ti Nzapa aye na bâ ndo kirikiri pëpe. Diskur na lege ti buku “Viens, suis-moi”, lembeti 93-94, paragraphe 12-13.

pn 20: “Mo yeke sara kusala na atënë ni kue nzoni?”a Hunda tënë na mbeni wafango tënë so asi na lo awe ti sara kusala na afini article ti Tour ti Ba Ndo ti fango na tënë. Lo lingbi ti haka peko ti ye so asi. Nga, na paragraphe 2, sara démonstration ti fa tongana nyen ti to nda ti étude na sarango kusala na tënë “Ce que nous apprenons de Jésus”, na yâ ti Tour ti Ba Ndo ti 1 août na Français.

Bia 26

Yenga ti 18 août

Bia 135

pn 10: Atokua ti kongregation na ti Kusala ti Royaume so alingbi. Lisoro na ndo ti “Fini kapa ti kota bungbi ti circonscription”. Fa lango ni tongana a fa ni awe.

pn 20: Yungo bongo so alingbi nga lekengo tere pendere amû gonda na Jéhovah. Diskur so mbeni ancien si asara ni. Teti so Jéhovah ayeke Nzapa so ayeke nzoni-kue, sukulango tere nzoni ayeke kota ye na popo ti awakua ti lo (Ex. 30:17-21; 40:30-32). Na lege ti tapande ti yungo bongo na lekengo tere ti e, mbilimbili na ngoi ti fango tënë, e yeke zia ngia na bê ti Jéhovah na e yeke mû gloire na lo (1 Pi. 2:12). Nde na so, ti ke ti sara ni alingbi ti sara si “zonga aga na ndo Tënë ti Nzapa.” (Tite 2:5). Fa peko ti ye so asi na ndo so ala yeke dä wala ti so ayeke na yâ ti ambeti ti e so afa tongana nyen nzoni lekengo tere ti mbeni wafango tënë azi lege ti fa tënë.

pn 15: Amaseka so afa kpengba tënë ti témoin.b Diskur ti mû ngangu na ababâ na amama nga na amolenge ti ala so ayeke kiri na ekole na yâ ti kete ngoi. Dabe ti amaseka ti gbu alege kue so azi na ala ti fa tënë. Tongana ngoi angbâ, tisa amaseka ti fa aye so asi na ala tongana ala fa tënë na ekole.

Bia 61

Yenga ti 25 août

Bia 24

pn 15: Atokua ti kongregation. Diko tënë ti acompte nga na mbeti so filiale atokua teti a-offrande. Dabe ti awafango tënë ti ga na Tour ti Ba Ndo ti septembre na Réveillez-vous! ti septembre na ngoi ti bungbi ti peko na ti leke tere ti ala na ndo ti atënë so a lingbi ti sara kusala na ni na territoire. Sara lisoro na ndo ti “Fini kapa ti kota bungbi ti lango oko”, na fa lango ti kota bungbi ni tongana a fa ni awe.

pn 15: Bezoin ti kongregation.

pn 15: Na nze ti septembre, e yeke to nda ti manda Bible na zo na kozo gango ti e. Lisoro. Na nze ti septembre, e yeke kangbi buku Bible afa, na e yeke sara ngangu ti sara lisoro na zo ni na ndo ti ambeni paragraphe na kozo gango ti e. Kiri mo bâ awango ti supplément ti Kusala ti Royaume ti février 2006, na sara démonstration oko wala use ti fa tongana nyen ti to nda ti manda Bible na zo gi na kozo tingbingo tere.

Bia 196

Yenga ti 1 septembre

Bia 112

pn 10: Atokua ti kongregation. Dabe ti awafango tënë ti zia rapport ti ala ti nze ti août.

pn 20: Isolés mais pas oubliés. Diskur na lege ti Tour ti Ba Ndo ti 15 avril 2008 na Français, lembeti 25-28. Fa aita ti kongregation so ayeke lango na ndo so a bata ambakoro dä. Tongana ala yeke dä pëpe, sara kusala na awango ti yâ ti article ni ti wa kongregation ti mû maboko na aita so ayeke na kpale ti seni wala ala so ayeke na ngangu mingi pëpe ti mû mbage na kusala na yâ ti kongregation.

pn 15: Leke tere ti mo ti kangbi Tour ti Ba Ndo ti 1 septembre na Réveillez-vous! ti septembre. Lisoro. Sara nduru tënë na ndo ti apériodique so, na hunda na aita ti fa a-article wa alingbi ti nzere na azo ti territoire. Hundango tënë wa nga versê wa a lingbi ti sara kusala na ni ti fa na tënë ni? Sara démonstration ti fa tongana nyen e lingbi ti sara kusala na mbeni tapande ti fango tënë so ayeke na yâ ti Kusala ti Royaume. Hunda na mbeni ancien ti sara mbeni nduru démonstration so lo leke na lege ti mbeni article so alingbi ti ndu bê ti azo ti yâ ti territoire.

Bia 74

[Akete tënë na gbe ni]