Fini kapa ti kota bungbi ti circonscription

Tongana nyen ti luti ngangu na gbele azo so akanga lege ngangu na tâ vorongo? Tongana nyen e lingbi ti hon ndo ti angangu so ayeke tara lakue ti pusu e ti kiri na yâ ti sese so ake Nzapa? Fade kapa ti kota bungbi ti circonscription ti ngu 2009 akiri tënë na akota hundango tënë so. Mama-tene ni ayeke: “Hon ndo ti sioni na lege ti ye ti nzoni.” (aRom. 12:21). Bâ ye so ayeke na yâ ti kapa ni.

Fade surveillant ti district ayeke sara adiskur “A mû na e ngangu ti hon ndo ti sioni na lege ti ye ti nzoni”, “Zia bê ti mo na mo mveni ahon ndo ni pëpe!”, “Aye ti sioni kue aga nduru ti hunzi awe!” na “E kpengba mabe ti e ti hon sese so na ngangu.” Fade surveillant ti circonscription asara tënë na ndo ti mama-tene “L’heure alingbi awe ti zingo na lango!” so aluti na ndo ti aRomain 13:11-13, nga “Woko pëpe na lâ ti ye ti ngangu”, so aluti na ndo ti aProverbe 24:10. E yeke ku nga ti mä diskur ti surveillant ti circonscription “Bingo bê na ndo ti aye so atia circonscription.” Fade mbeni mbage so amû na e ngangu ayeke “Mo lingbi ti ‘zia bê ti mo na kusala so’ na gango wakua ti ngoi kue?” Kozo mama-tene ti adiskur use na ambage osio ayeke “Luti ngangu na gbele amayele ti Zabolo.” Fade a yeke mû maboko na e ti hinga na ti ke amayele ti Zabolo na ndo ti tënë ti senda-kode, tënë ti angia na tënë ti mandango mbeti. Fade diskur na ambage osio “Wara ngangu ti luti ngangu na lâ ti nda ni so” ayeke fa na e tongana nyen ti sara kusala mingi na wango so e wara na aEphésien 6:10-18.

Kamba ayeke na popo ti hongo ndo ti aye kue ti sioni na fango tokua ti Royaume (Apoc. 12:17). Kite ayeke pëpe so Satan ayeke ngbâ lakue ti tiri ngangu na aTémoin ti Jéhovah! (Es. 43:10, 12). Me fade Zabolo ayeke tï na ngu ngbanga ti so e leke na bê ti e awe ti “hon ndo ti sioni na lege ti ye ti nzoni.” Leke laso biani ti wara aye ti nzoni kue na yâ ti abungbi osio ti kota bungbi ti circonscription so.