Kapa ti Bungbi ti Kusala

Kete tënë: Na ngoi ti sarango akota bungbi ti district, a yeke wara ande na yâ Kusala ti Royaume programme ti Bungbi ti Kusala teti yenga oko oko kue. Akongregation alingbi ti gbian aye na yâ ni alingbi na ni ti mû lege na azo ti gue na Kota Bungbi ti District “E mû peko ti Christ!” Na ndangba Bungbi ti Kusala kozo ti gue na kota bungbi ni, tongana lege ayeke dä, i mû apenze-ngbonga 15 ti bâ wango na dango bê so a mû na yâ supplément ti nze so, so alingbi na kongregation ni. Nze oko wala use tongaso na peko ti kota bungbi ni, a yeke mû ande penze-ngbonga 15 wala 20 na ngoi ti Bungbi ti Kusala (peut-être a lingbi ti mû ngoi ti bezoin ti kongregation) ti dabe na angbongboro mbage ti programme ti kota bungbi ni so alingbi ti mû maboko na awafango tënë na yâ fango tënë. Fade surveillant ti kusala si ayeke sara ni. Tisa azo ti fa tongana nyen ala yeke sara kusala na awango so na yâ kusala ti fango tënë.

Yenga ti 10 septembre

Bia 225

pn 10: Atokua ti kongregation na ti Kusala ti Royaume so alingbi. Sara kusala na awango ti lembeti 8 ti fa tongana nyen ti fa afini Tour ti Ba Ndo na Réveillez-vous! A lingbi nga ti sara kusala na mbeni kode so alingbi na territoire ni. Na yâ ti démonstration oko oko, a yeke nzoni a bungbi apériodique use ti fa ni, atâa so a yeke sara tënë gi na ndo ti périodique oko.

pn 15: Atënë so i hunda. Diskur na lisoro na azo so mbeni ancien si asara ni. Tongana ngoi ayeke dä, diko na sara lisoro na ndo aversê kue so afa atënë ti yâ ni pëpe.

pn 20: “Mû tapande so Jésus azia.”a Tisa azo ti fa tongana nyen ala wara ye ti nzoni na lege ti nzoni tapande ti ambeni zo.

Bia 130 na sambela ti nda ni.

Yenga ti 17 septembre

Bia 60

pn 10: Atokua ti kongregation. Fa akota tënë ti yâ ti mbeti ti filiale so ayeke na kozo lembeti ti Kusala ti Royaume so.

pn 15: Ye wa e sara na ngu so ahon? Fade surveillant ti kusala ayeke kiri ti sara tënë na ndo ti kusala ti ngu so ahon; lo yeke sara tënë na ndo ti anzoni ye so a sara na fango tënë, nga lo yeke gonda aita ndali ti anzoni ye so ala sara. Fa ye oko wala use so a yeke nzoni kongregation abâ ndo na ndo ni na fini ngu ti kusala so. Sara tënë ti kusala ti apionnier, na gonda ala ndali ti nzoni kusala ti ala. Fa nga aye ti nzoni so aga na peko ti ngangu so a sara ti mû maboko na aita so azia ti fa tënë a ninga.

pn 20: Mbeni sewa ti aita so ayeke beoko. Lisoro na ndo chapitre 16 ti buku Bungbi so a leke ni ti sala ye so Jéhovah aye.

Bia 74 na sambela ti nda ni.

Yenga ti 24 septembre

Bia 162

pn 15: Atokua ti kongregation. Diko tënë ti acompte nga na mbeti so filiale asû teti a-offrande so a tokua na lo. Nduru tënë na ndo tract Hinga Bible ti to nda ti manda Bible na azo na nze ti octobre. Sara kusala na awango ti lembeti 8 ti fa tongana nyen ti fa afini Tour ti Ba Ndo na Réveillez-vous! A lingbi nga ti sara kusala na mbeni kode so alingbi na territoire ni. Na yâ ti mbeni démonstration ni, wafango tënë ni azia tract na zo ni na peko ti so lo ke ti mû apériodique ni. Na yâ ti mbeni démonstration ni, na peko ti so zo ni ayeda ti mû apériodique ni, wafango tënë ni azia na lo tract ni, na lo sara lisoro na zo ni na ndo lembeti 5, lo gboto lê ti lo na ndo nduru tënë ti lembeti 6 na ndo hundango buku Bible afa, na pekoni lo hunda zo ni ti ga na lo buku ni.

pn 30: “E mû peko ti Christ na sarango ye so amû gonda na Nzapa.”b Secrétaire ti kongregation si asara ni. Fa kota bungbi so a tisa kongregation ti gue dä. Kiri mo sara tënë ti encadré “Dango bê teti Kota Bungbi ti District.”

Bia 222 na sambela ti nda ni.

Yenga ti 1 octobre

Bia 88

pn 15: Atokua ti kongregation. Dabe ti awafango tënë ti zia rapport ti ala ti nze ti septembre. Lisoro na azo na ndo article “E sara kusala na ambeti ti e na ndara”.

pn 15: “E oko oko kue e sara ngangu ti fa tënë ti kota bungbi ti district ‘E mû peko ti Christ!’ ”c Na paragraphe 3, hunda aita ti fa apendere ye so asi na ngoi ti kangbingo ambeti ti tisango ndo na kota bungbi ti district ti ngu so ahon; wala mo lingbi ti sara tënë ti aye so ayeke na Annuaire 2007, ti londo na lembeti 7 ti si na kete li ti tënë ti lembeti 10.

pn 15: “E gi ti sara mingi na yâ kusala ti e.”d Yôro na yâ ni tënë ti aita-koli na aita-wali so agi ti sara mingi, na hunda ala ti fa tongana nyen ala ngbâ lakue ti gi alege ti sara mingi na yâ kusala ti ala. Mo lingbi ti mä tere na zo oko wala use ti leke tere kozoni.

Bia 102 na sambela ti nda ni.

[Akete tënë na gbe ni]