Kapa ti Bungbi ti Kusala

Kete tënë: Na ngoi ti sarango akota bungbi ti district, a yeke wara ande na yâ Kusala ti Royaume programme ti Bungbi ti Kusala teti yenga oko oko kue. Akongregation alingbi ti gbian aye na yâ ni alingbi na ni ti mû lege na azo ti gue na Kota Bungbi ti District “A ga nduru ti zi e awe!” Na ndangba Bungbi ti Kusala kozo ti gue na kota bungbi ni, tongana lege ayeke dä, mû apenze-ngbonga 15 ti bâ akota wango so a mû na yâ supplément ti nze ti septembre, so alingbi na kongregation ni. Nze oko wala use tongaso na peko ti kota bungbi ni, a yeke mû ande penze-ngbonga 15 wala 20 na ngoi ti Bungbi ti Kusala (peut-être a lingbi ti mû ngoi ti bezoin ti kongregation) ti dabe na angbongboro mbage ti programme ti kota bungbi ni. Na ngoi ni so, e lingbi ti fa tongana nyen e yeke sara kusala na aye so e manda na ngoi ti kota bungbi so, na nga lege so amû maboko na e na yâ ti kusala ti e ti fango tënë.

Yenga ti 13 novembre

Bia 152

pn 10: Akete tënë. Sara kusala na awango ti lembeti 8 wala ambeni kode nde ti fango tënë na yâ ti mbeni démonstration ti fa tongana nyen ti fa afini Tour ti Ba Ndo na Réveillez-vous! Na yâ ti mbeni oko ti adémonstration ni, fa tongana nyen ti kiri tënë tongana zo atene: “Mbi hinga kusala ti i nzoni mingi awe.”​—Bâ brochure Lege ti To Nda Na ti Ngbâ ti Sala Alisoro na ndo Bible, l. 12.

pn 20: Awafango nzo tënë. Diskur nga na lisoro na azo na ndo Buku Bungbi so a leke ni ti sala ye so Jéhovah aye, na ndo mbage so ato nda ni na lembeti 77 ti si na kete li ti tënë so ayeke na lembeti 83.

pn 15: “E fa tënë na mbeto pëpe nga e sara ye na siriri.”a Zia dä atënë ti yâ ti buku Ekole ti Kusala, lembeti 252-253 na gbe ti kete li ti tënë “Ngoi ti woko na ndo ti ambeni ye”, so a sû gere ni nde.

Bia 39 nga na sambela ti nda ni.

Yenga ti 20 novembre

Bia 132

pn 5: Akete tënë. Atokua ti Kusala ti Royaume so alingbi.

pn 25: Sara si lango ti mariage ti mo aga mbeni ngoi ti kota ngia nga na ti nengo tere. Diskur so mbeni ancien si asara ni, so aluti na ndo ti Tour ti Ba Ndo ti 15 octobre 2006, lembeti 28-31 na Français.

pn 15: E fa buku Koli so ahon na nze ti décembre. Lisoro na azo. Hunda na aita ti fa aye so anzere na ala na yâ ti buku Koli so ahon tanga ti azo kue nga na aye ti nzoni so ala wara lani tongana ala yeke kangbi buku so na azo. Dabe ti aita na ndo atapande ti fango tënë so a zia na yâ ti Kusala ti Royaume ti janvier 2005. Sara kusala na mbeni tapande ni oko ti fa tongana nyen ti fa buku so. Mo lingbi ti sara kusala na mbeni kode nde so alingbi biani na territoire ni.

Bia 203 nga na sambela ti nda ni.

Yenga ti 27 novembre

Bia 111

pn 5: Akete tënë. Diko tënë ti acompte nga na mbeti so filiale asû teti a-offrande so a tokua na lo.

pn 10: E bungbi oko ti leke ada so agonda Nzapa. Diskur so mbeni ancien si asara ni, so aluti na ndo Tour ti Ba Ndo ti 1 novembre 2006, lembeti 17-21 na Français.

pn 15: “Tongana nyen ti leke ambeni tënë ti fa na apériodique ti e.”b Zia na yâ ni mbeni démonstration ti penze-ngbonga 3. Na yâ ni, awafango tënë use, peut-être mbeni koli na wali ti lo, asoro mbeni ye ti tene na ndo afini périodique so ayeke na lembeti 8 na ala gi ti bâ tongana nyen ala lingbi ti tene ni na kode ti ala mveni. Na pekoni, ala sara kusala na awango ti article ti Kusala ti Royaume so a yeke sara lisoro na ndo ni; ala soro atënë ti yâ ti mbeni article nde ti périodique so ala ye ti fa, so alingbi ti nzere na azo ti territoire ti ala na ala fa tongana nyen ti fa ni na azo.

pn 15: “Desizion wa mbi yeke mû na ndo aye nde nde so ayeke na yâ ti mênë nga na ndo akode ti kaïngo kobela so asara kusala na mênë ti mbi wani?” Lisoro na azo nga na mbeni démonstration. A yeke nzoni ancien so ayeke sara mbage so asara ye alingbi na aye so filiale afa.

Bia 120 nga na sambela ti nda ni.

Yenga ti 4 décembre

Bia 155

pn 10: Akete tënë. Dabe ti awafango tënë ti bi rapport ti ala ti nze ti novembre.

pn 15: “E yeke manda ande buku Ga ndulu na Jéhovah nga na abrochure ota na ngoi ti Mandango Buku ti Kongregation.” Diskur so mbeni surveillant ti Mandango Buku ti Kongregation asara ni na so aluti na ndo ti article so. A si na paragraphe 2, gboto lê na ndo ti kapa ti mandango ye ni. A si na paragraphe 3, diko na sara lisoro na ndo lembeti 25, paragraphe 23 ti buku ni.

pn 20: Sara kusala na Bible na ngoi so mo yeke kiri tënë. Lisoro na azo na ndo Tour ti Ba Ndo ti 15 août 2002, lembeti 17-18, na gbe ti kete li ti tënë “Zia e fa na gigi ndoye teti atâ tënë so e fa.” Tisa azo ni ti kiri tënë na ahundango tënë oko oko kue. Sara mbeni démonstration so na yâ ni mbeni wafango tënë asara kusala na buku Comment raisonner ti kiri tënë na mbeni kamarade ti lo ti klase so ahunda tënë “Ngbanga ti nyen ala yeke sara matanga ti Noël pëpe?”

Bia 168 nga na sambela ti nda ni.

[Akete tënë na gbe ni]