DANGO BÊ TI EKOLE TI KUSALA TI ACHRÉTIEN

Fade a yeke sara lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 28 ti août 2006. Fade surveillant ti ekole ayeke mû li ni dä teti penze-ngbonga 30. Lo yeke luti ande na ndo ti ambeti so a bâ ni na yenga ti lango 3 ti juillet ti si na lango 28 ti août 2006. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.—Bâ Ekole ti Kusala l. 36-37.]

KODE TI SARANGO TËNË

1. Tongana nyen bango lê ti azo ayeke mû maboko na e ti duti mbeni nzoni wafango ye? (Mat. 19:25, 26; Kus. 14:9, 10). [be l. 124 par. 3–l. 125 par. 3]

2. Ngbanga ti nyen tâ sarango ye ti e ayeke kota ye? Nyen la alingbi ti mû maboko na e ti sara tongaso na fango tënë? [be l. 128 par. 1-5, encadré]

3. Ngbanga ti nyen a lingbi e leke tere ti e nzoni na e duti na saleté pëpe? [be l. 131 par. 1-3]

4. Tongana nyen ‘ti sara tere kete na ti sara ye na ndara’ ayeke sara ye na ndo yungo bongo ti e nga na lekengo tere ti e pendere? (1 Tim. 2:9). [be l. 131 par. 4–l. 132 par. 1]

5. Akpengba-ndia wa ti Bible ayeke nzoni e sara ye alingbi na ni si lekengo tere ti e afa na gigi pëpe so e ndoye sese so? [be l. 133 par. 2-3]

DEVOIR 1

6. Kota ye ti nzoni wa e yeke wara na lege ti dikongo mbeti? [be l. 21 par. 3]

7. Nyen la ayeke fa so mbeni zo ayeke zo ti ndara wala zo ti buba? (aProv. 14:2). [w04 15/11 l. 26 par. 5]

8. Ngbanga ti nyen “hingango ye ayeke ngangu pëpe na zo so ahinga nda ti ye”? (aProv. 14:6). [w04 15/11 l. 28 par. 4-5]

9. Mandango ye ayeke nyen? [be l. 27 par. 3]

10. Na lege wa a lingbi gbungo li na ndo ti akusala ti maboko ti Jéhovah asara ngangu na ndo ti e? [w04 15/11 l. 8 par. 4]

DIKONGO BIBLE YENGA OKO OKO

11. Na yanga ti Hébreu ti giriri, Psaume 68:11 asara tënë ti gbâ ti “awali so afa tënë nzoni”. Na ngoi ti amolenge ti Israël, tongana nyen Jéhovah atene na awali ni ti fa tënë nzoni? Ye so andu e laso tongana nyen? (Ps. 68:12).

12. Ye wa angbâ lani kete a pusu Asaph ti zia lege ti sarango ye so ayeke mbilimbili? Me tongana nyen lo gbian bango ndo ti lo? (Ps. 73:2, 3, 17).

13. Ngbanga ti nyen a iri manne “le-kobe ti yayu” nga “kobe ti zo ti ngangu”? (Ps. 78:24, 25).

14. “Ndo ti lingo ti Lo Ti Nduzu Ahon Kue” ayeke nyen? Tongana nyen si e lingbi ti ‘duti’ dä? (Ps. 91:1, 2).

15. Na lege wa kuâ ti azo ti nzobe ti Jéhovah ayeke ye ti ngere ngangu na lê ti lo? (Ps. 116:15).