Atokua
◼ Ambeti ti fa na décembre: Koli so ahon tanga ti azo kue. Na tere ni, mo lingbi ti fa Mbeti ti atene ti Bible, Bible—A Yeke Tene ti Nzapa Wala ti Azo? wala Mo lingbi ti douti la koue la koue na paradis na ndo sesse. Janvier: Abuku kue so a sara ni kozo na ngu 1991 so kongregation ayeke peut-être na ni. Tongana i yeke na ambeti so pëpe, i bâ na ambeni kongregation so ayeke nduru na i wala ala yeke na angbene mbeti so mingi, si i lingbi ti hunda ambeni ti sara na kua. Akongregation so ayeke na angbene mbeti pëpe alingbi ti fa buku L’humanité à la recherche de Dieu. Tongana azo ni aye buku ni pëpe, fa na ala brochure I lango pëpe! Février: Ga ndulu na Jéhovah. Tongana mbeti so ayeke dä pëpe, mo lingbi ti sara kua na buku Révélation: dénouement wala mbeni ngbene buku nde so kongregation ayeke na ni mingi. Mars: Mä Kota Wafango ye. Tongana zo ni atene lo yeke na molenge pëpe, fa na lo buku Tâ Ngia ti Sewa.
◼ E yeke na ngia ti tene na i so na mbeni Bungbi ti Kusala ti mars 2006, e yeke sara ande lisoro na ndo kasete vidéo Des exemples qui nous servent d’avertissement (vcwx). Kasete vidéo so aluti na ndo mbaï ti yâ ti buku ti Nombre 25, na e ye ti dabe ti i so kasete ni afa tongana nyen a tara lani mabe ti amolenge ti Israël na Popo-hoto ti Moab. Ti tene i leke tere ti i nzoni ndali ti bungbi ni, e hunda na i ti wara kasete ni fadeso. I girisa pëpe so drame ni ayeke gi na ndo ti kasete vidéo me na ndo ti DVD pëpe.
◼ Fade na yâ ngoi kete a yeke tokua ambeti ti tisango zo na Matanga ti Dango Bê ti ngu 2006 na kongregation oko oko, na yanga ti kodoro so ala yeke sara na bungbi. Tongana a yeke tene ambeni yanga ti kodoro nde na yâ territoire ti i, na i ye ti wara ambeti ti tisango zo na ayanga ti kodoro so, a lingbi i hunda ni hio na ndo Demande de publications (S-14). E hunda na i ti wara gi ti so ayeke na ayanga ti kodoro so azo atene ni na yâ ti territoire ti i.
◼ Na ngu 2007, a yeke sara Matanga ti Dango Bê na lundi 2 avril, na peko ti lindango ti lâ. A fa lango so kozoni ti mû lege na akongregation mingi so asara abungbi na yâ Da ti Royaume oko ti gi ambeni da nde ti sara na matanga ni. Ye so amû lege na ala ti bata da ni wala ti loué ni. A lingbi a-ancien amä tere na mveni ti ndo ni ti tene mbeni kusala nde na yâ ti da ni abuba pëpe tambela ti Matanga ti Dango Bê ni, so a lingbi a duti na yâ siriri nga na lege ni.
◼ Teti matanga ni ayeke kota ye mingi, a lingbi bungbi ti a-ancien asoro tongana zo ti mungo diskur ti Mémorial ni mbeni oko na popo ti a-ancien so alingbi biani, me pëpe gi ti fa zo oko oko na peko ti tere wala ti sara kusala gi na ita-koli oko ngu na ngu. Ye oko, tongana mbeni zo so a sa yingo na ndo ti lo ayeke dä, so ayeke mbeni ancien so akpengba, lo lingbi ti mû diskur ni.