Dango bê ti Ekole ti Kusala ti aChrétien
Fade a yeke sara lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 26 ti décembre ngu 2005. Fade surveillant ti ekole ayeke mû li ni dä teti penze-ngbonga 30. Lo yeke luti ande na ndo ti ambeti so a bâ ni na yenga ti lango 7 ti novembre ti si na lango 26 ti décembre 2005. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.—Bâ Ekole ti Kusala l. 36-37.]
KODE TI SARANGO TËNË
1. Ye wa e lingbi ti sara ti tene wango so e mû, e mû ni biani na “ndoye”? (Phm. 9). [be l. 266]
2. Tongana nyen e lingbi ti “wa azo na nzo tënë” wala “na lege ti fango ye so ayeke nzoni” tongana ti so Fini Mbuki, 2001 atene? (Tite 1:9). [be l. 266 l. 5–l. 267 par. 1]
3. Ngbanga ti nyen a yeke kota ye ti tene adiskur ti e amû ngangu na azo? Na tongana nyen e lingbi ti sara ni? [be l. 268 par. 1-3, encadré]
4. Na tapande ti Moïse, tongana nyen ti dabe aita ti e na ye so Jéhovah asara ândö teti azo ti lo amû ngangu na ala? (Deut. 3:28; 31:1-8). [be l. 268 par. 5–l. 269 par. 2]
5. Ngbanga ti nyen ti fa na gigi ngia ti e ndali ti ye so Jéhovah ayeke sara fadeso na ye so lo yeke sara ande ayeke mû ngangu na awamango e? [be l. 270-271]
DEVOIR 1
6. Septante ayeke nyen? Na ngbanga ti nyen a gbu bê ti aChrétien? [si l. 307 par. 12–l. 310 par. 14]
7. A-Massorète ayeke lani azo wa? Na akota ye wa ala sara ti mû lege na azo ti kiri peko ti Bible na ambeni yanga ti kodoro? [si l. 310 par. 18; l. 311 par. 20-21]
8. Mbeti wa amû lege mingi na aita ti mû mbage ti Bible so a sû na yanga ti Hébreu ti kiri pekoni na yanga ti Anglais na yâ ti Traduction du monde nouveau? Na ngbanga ti nyen azo alingbi ti zia bê ti ala na Traduction du monde nouveau? [si l. 312 par. 28, 30]
9. Tongana nyen akozo Chrétien afa so ala yeke lani na kota nzara ti sigigi na Mbeti ti Nzapa mingi? [si l. 315 par. 1-5]
10. Ye nyen ye so azo agi na ndo akugbe-mbeti nga na ambeni mbeti nde so a sû giriri Tënë ti Nzapa dä afa na ndo Bible? [si l. 320 par. 32]
DIKONGO BIBLE TI YENGA OKO OKO
11. So Jéhovah amû lege na David ti leke temple pëpe afa so lo yeda pëpe na abira so David atiri? (1 Chron. 22:6-10).
12. Na yâ ti sambela so Salomon atene na ngoi ti mungo temple na Jéhovah, lo fa so Jéhovah ayeke bâ lege ti azo ti lo tongana a bungbi ala kue oko. Me tongana nyen lo fa nga so Jéhovah ahinga dutingo ti zo oko oko kue so akpe mbito ti lo? (2 Chron. 6:29, 30).
13. Tënë “mbele ti ingo” so ayeke na 2 Chronique 13:5 aye ti tene nyen?
14. Baésa ato nda ti komande na “ngu ota ni ti Asa”. Lo komande gi ngu 24. Me na yâ ti mbeni versê ni a tene so lo ga ti “sara bira na Juda” na “ngu bale-ota na ndo ni omene so Asa ayeke gbia”. Teti ye ni ayeke tongaso, tongana nyen e lingbi ti fa so tënë ti yâ ti aversê use so ague oko? (1 aGbia 15:33; 2 Chron. 16:1).
15. Tongana nyen 2 Chronique 20:22, 23 afa polele ye so ayeke nduru ti si na sese ti Satan?