Kapa ti Bungbi ti Kusala

Yenga ti 9 mai

Bia 217

pn 10: Akete tënë. Atokua ti Kusala ti Royaume so alingbi. Sala kusala na awango ti lembeti 8 na yâ démonstration ti fa tongana nyen ti fa afini Tour ti Ba Ndo na Réveillez-vous! A lingbi ti sala kusala na ambeni démonstration nde so alingbi biani na territoire ni. Na yâ mbeni oko ti adémonstration ni, a yeke fa ziango apériodique na maboko ti azo na alege kue so azi na yâ ti taxi wala bus.

pn 15: Sala kusala na Tënë ti Nzapa ti ndu bê ti azo. Mbeni diskur so aluti na ndo ti Tour ti Ba Ndo ti 1 février 2005, lembeti 28-31. Fa tongana nyen Jésus asala lani kusala na aversê ti mû maboko na Pierre. Fa tongana nyen e lingbi ti mû peko ti tapande ti Jésus na ngoi so a hunda ti gbian mbeni bibe wala mbeni bango ndo na yâ ti amolenge ti e, na yâ ti azo so e yeke manda Bible na ala nga na yâ e mveni.

pn 20: “Kapa so a zia ni nde ti kangbi na fini brochure.”a Surveillant ti kusala si asala ni. Sala adémonstration so a fa ni. Na yâ ti mbeni oko ti adémonstration ni, zo so ayeke mä tënë ni afa na gigi tâ nzara ti tënë ni pëpe, na ahon ti mû na lo brochure ni, wafango tënë ni amû na lo mbeni tract.

Bia 176 na sambela ti nda ni.

Yenga ti 16 mai

Bia 201

pn 5; Akete tënë.

pn 20: “Leke mbeni nzoni mbeti-kapa ti sewa.” Na lege ti mbeni kete diskur ti tongo nda ni so ahon penze-ngbonga use pëpe, fa nene ti mbeni kapa so a sû ni na mbeti nga fa tongana nyen ti sû aye na ndo ti mbeti-kapa so ayeke na lembeti 6. Na pekoni, sala lisoro na lege ti hundango tënë na akiringo tënë na ndo article “Mbeti-kapa ti sewa: Abungbi ti kongregation.” Hunda azo so aga ti fa tongana nyen ala zia lege pëpe na ambeni kusala nde ti mû place ti abungbi ti kongregation. Fade a yeke bâ ande ambeni mbage ti kapa ti sewa ni na ayenga so ayeke ga.

pn 20: “Salango a-étude so ayeke gue na li ni: Mbage gumbaya ni.”b Na ngoi so mo yeke bâ paragraphe use ni, gboto lê na ndo ti mbeni tënë oko wala use so ayeke na lembeti 7 ti Kusala ti Royaume ti décembre 2004. Yôro na yâ ni mbeni kete démonstration na ndo salango mbeni étude ti Bible. Na peko ti hunzingo ye ti manda use ti brochure Ahunda, zo so ayeke mû li ni na étude ni ahunda wamandango ye ni lo tënë: “Tongana nyen mo lingbi ti fa iri ti Nzapa na mbeni kamarade ti mo?” Wamandango ye ni afa lege so lo yeke sala kusala na Psaume 83:19 nga na Genèse 22:14, na pekoni wafango tënë ni agonda lo.

Bia 134 na sambela ti nda ni.

Yenga ti 23 mai

Bia 194

pn 12: Akete tënë. Diko tënë ti acompte nga na mbeti so filiale asû teti a-offrande so a tokua na lo. Sala kusala na awango ti lembeti 8 na yâ démonstration ti fa tongana nyen ti fa afini Tour ti Ba Ndo na Réveillez-vous! A lingbi ti sala kusala na ambeni démonstration nde so alingbi biani na territoire ni.

pn 18: “Lâ ti Jéhovah aga ndulu.”c Na lekengo mbage ni so, bâ lembeti 59, paragraphe 28 ti buku Prophétie ti Daniel.

pn 15: “Mbeti-kapa ti sewa: Fango tënë legeoko na sewa.”d Tisa azo so aga ti sala tënë na ndo aye ti nzoni so a yeke wara na fango tënë legeoko na sewa.

Bia 152 na sambela ti nda ni.

Yenga ti 30 mai

Bia 190

pn 10: Akete tënë. Dabe ti awafango tënë ti bi rapport ti ala ti mai. Fa ambeti so a yeke sala na kusala na juin. Sala démonstration ti fa tongana nyen ti zia mbeti na maboko ti azo na salango kusala na mbeni wango oko wala use so a fa ni na yâ supplément ti Kusala ti Royaume ti janvier 2005. A lingbi ti sala kusala na ambeni nzoni tapande ti fango tënë.

pn 15: Bezoin ti kongregation.

pn 20: “Mbeti-kapa ti sewa: Étude ti sewa.”e Leke kozo ti tene zo oko wala use afa tongana nyen ala leke mbeti-kapa ti étude ti sewa ti ala na ngangu wa a hunda na ala ti ngbâ ti sala étude ni lakue.

Bia 115 na sambela ti nda ni.

Yenga ti 6 juin

Bia 155

pn 10: Akete tënë.

pn 20: “Mbeti-kapa ti sewa: Versê ti lâ oko oko.”f Tisa azo so aga ti fa tongana nyen sewa ti ala ayeke wara ye ti nzoni na lege ti bango versê ti lâ oko oko, nga ngoi wa ala na sewa ti ala abâ so a yeke lani nzoni ti soro ni ndali ti versê ti lâ oko oko.

pn 15: Aye so asi na fango tënë. Tisa kongregation ti fa ambeni ye ti nzoni so asi na ala na ngoi ti kapa so a zia ni nde ti fa fini brochure. Leke tele kozoni ti tene a kiri a haka peko ti ambeni nzoni ye so asi na fango tënë ni. Tongana tanga ti abrochure so angbâ na kongregation ni ayeke gue ti hunzi, hunda na a-ita ti kiri na ambeni mingi so angbâ na maboko ti ala na ndo ti batango ambeti ti kongregation.

Bia 107 na sambela ti nda ni.

[Akete tënë na gbe ni]