Kapa ti Bungbi ti Kusala

Kete tënë: Na ngoi ti salango akota bungbi ti district, a yeke wara ande na yâ Kusala ti Royaume programme ti Bungbi ti Kusala teti yenga oko oko kue. Akongregation alingbi ti gbian aye na yâ ni alingbi na ni ti mû lege na azo ti gue na Kota Bungbi ti District “Tambela na Nzapa”. Na ndangba Bungbi ti Kusala kozo ti gue na kota bungbi ni, tongana a lingbi, i mû apenze-ngbonga 15 ti bâ akota wango so a mû na yâ supplément ti nze ti avril 2004, so alingbi na kongregation ni. Na yâ nze ti février 2005, fade a yeke leke yâ ti mbeni Bungbi ti Kusala kue ti dabe na angbongboro mbage ti programme ti kota bungbi ni. Ti leke tele teti lisoro so, a lingbi zo kue na popo ti e amû note nzoni na ngoi ti kota bungbi ni. E lingbi ti sû nga molongo ti ambilimbili kota tënë so e mveni e ye ti sala na kusala na yâ fini ti e nga na yâ kusala ti fango tënë. Na pekoni e lingbi ti mû ngangu na ambeni zo na fango na ala tongana nyen e sala ye alingbi na awango ni ngbele ye na ngoi so e gue na kota bungbi ni.

Yenga ti 13 décembre

Bia 47

pn 10: Akete tënë na atokua ti Kusala ti Royaume so alingbi. Fa akota kamba ti aye so a leke teti fango tënë so ayeke duti ande na lango 25 ti décembre nga na lango 1 ti janvier. Sala kusala na awango ti lembeti 8 na yâ démonstration ti fa tongana nyen ti fa afini Tour ti Ba Ndo na Réveillez-vous! A lingbi ti sala kusala na ambeni démonstration nde so alingbi biani na territoire ni. Na yâ démonstration oko oko, fa alege nde nde ti sala ye na gbele atënë ti kangango lege na lisoro: “Mbi hinga kusala ti i nzoni mingi awe.”​—Bâ brochure Lege ti To Nda Na ti Ngbâ ti Sala Alisoro na ndo Bible, l. 12.

pn 15: “A hunda mungo maboko ti mo.”a Hunda tënë ndulu na mbeni ancien. Hunda na lo ti fa ye wa apusu lo ti gi ti sala kua ti ancien na ye wa amû maboko na lo ti sala ye so a hunda ti lingbi na kusala ni.

pn 20: “Tongana nyen ti fa tënë na afami ti e?”b Sala kusala na ahundango tënë so a mû. Tisa kongregation ti sala tënë kete ti fa tongana nyen ala wara lege ti zia nzara ti tâ tënë na yâ ti afami ti ala na ti fa tënë na ala.

Bia 17 na sambela ti nda ni.

Yenga ti 20 décembre

Bia 68

pn 5: Akete tënë. Tongana a yeke dä nga tongana lege ayeke dä, i wa zo kue ti bâ kasete vidéo Pas de sang: la médecine relève le défi, ti leke na lisoro teti yenga ti peko.

pn 15: “Lege so Ekole ti Kusala ti aChrétien ayeke mû maboko na e.” Diskur so surveillant ti ekole amû ni. Yôro na yâ ni atënë so ayeke na yâ supplément ti Kusala ti Royaume ti octobre 2004. Leke kozoni ti tene zo oko wala use afa tongana nyen ala wara ye ti nzoni na yâ ekole ni.

pn 25: “Zia lumière ti e aza lakue.” Sala akozo tënë ni ndulu na ndo paragraphe 1-5. Sala paragraphe 6-11 na lege ti ahundango tënë na kiringo tënë. I diko paragraphe 6-8, na 11. Mû paragraphe 12-14 tongana tënë ti nda ni. Surveillant ti kusala si ayeke sala ni tongana lege ayeke dä.

Bia 50 na sambela ti nda ni.

Yenga ti 27 décembre

Bia 36

pn 10: Akete tënë. Tënë ti acompte. Dabe ti awafango tënë ti bi rapport ti ala ti décembre. Na salango kusala na awango ti lembeti 8 na yâ adémonstration, fa tongana nyen ti fa afini Tour ti Ba Ndo na Réveillez-vous!

pn 25: “Wara nzoni na yâ kasete vidéo Pas de sang: la médecine relève le défi.” Lisoro na kongregation na ndo kasete vidéo Pas de sang, na salango kusala na ahundango tënë so a mû na lembeti 6. Na hunzingo ni, diko tanga ti paragraphe ni. Tongana kasete ni ayeke dä pëpe, i sala lisoro na ndo article “Un intérêt croissant pour la médecine et la chirurgie sans transfusion”, na yâ Réveillez-vous! ti 8 janvier 2000, lembeti 7-11.​—Bâ nga Réveillez-vous! ti 22 août 1998, lembeti 10-11.

pn 10: A-Témoin ti Jéhovah ayeda ti mû akete mbage ti mênë senge? Diskur so mbeni ancien amû so aluti na ndo Tour ti Ba Ndo ti 15 juin 2004, lembeti 29-31. Fa so adesizion so e yeke mû na ndo atënë so andu yingo-ti-hinga ayeke kota mingi, teti a bâ songo ti e na Jéhovah. I kiri i bâ atënë so ayeke na yâ li ti tënë “Aye so a leke ti mû maboko na e ti ke mênë”, na yâ Kusala ti Royaume ti décembre 2003.

Bia 8 na sambela ti nda ni.

Yenga ti 3 janvier

Bia 27

pn 5: Akete tënë. Fa ambeti ti sala na kusala na janvier.

pn 20: “Salango a-étude so ayeke gue na li ni: Osio mbage ni.” Na peko ti akozo tënë so ahon penze-ngbonga oko pëpe so aluti na ndo paragraphe 1, sala mbeni démonstration ti penze-ngbonga oku na ndo paragraphe 2-3, so afa tongana nyen mbeni zo so amû li ni afa na wamandango ye ni lege ti leke étude ni. Sala kusala na mbeni paragraphe oko ti buku Hingango Ye wala ti brochure Ahunda na yâ démonstration ni. Na pekoni, lisoro ti paragraphe 2-5 na lege ti hundango tënë na kiringo tënë, na gbotongo lê na ndo akota ye so ayeke na yâ ti démonstration ni.

pn 20: Amaseka, ngbanga ti nyen ti zia na gbele i aye ti yingo? A yeke sala mbage so na lege ti hundango tënë na kiringo tënë, so mbeni ancien si asala ni. Tongana lege ayeke dä, a yeke awafango tënë so angbâ ti gue na ekole si ayeke kiri tënë na ahundango tënë ni na adiko aversê ni. A lingbi e dabe ti e na nyen na ndo tënë ti aye ti mitele? (1 Jean 2:15, 16). Ye wa e ye ti bata na li ti e na ndo sese so? (1 Jean 2:17). Tongaso, ngbanga ti nyen a yeke lege ti ndara oko pëpe ti gi mosoro na kota ndo na yâ aye ti sese so? (1 Tim. 6:9, 10). Kusala wa Jéhovah amû na e ti sala? (Mat. 24:14; 28:19, 20). Kusala wa amaseka ayeke sala nzoni ti gi ni? (Mat. 6:33). Ngbanga ti nyen ti mû fini ti mo kue ti sala na Jéhovah ayeke tâ nzoni ye mingi? (Zo-ti. 12:3). Ye wa ayeke mû maboko na e ti duti na mara ti fini so? (Mat. 11:29, 30). Même tongana mo ngbâ ti gue na ekole, kapa wa mo lingbi ti zia na sese ti tene mo sala kua ti pionnier auxiliaire na ngoi ti vacances? (Hunda tënë na mbeni maseka oko wala use so asala kusala ti pionnier auxiliaire nzoni na yâ angoi ti vacances so ahon.) Hunzi na wango amaseka kue ti gbu li ti ala tongana nyen ala lingbi ti kiri tënë na ahundango tënë so ge: Mo bâ bungbi ti aTémoin ti Jéhovah tongana nyen? A yeke vorongo ti fami ti mo ni la mo kue mo yeda na ni? Wala mo bâ ni tongana tâ vorongo? Tâ tënë ayeke na yâ ni? Tongana mo hinga na bê ti mo so a yeke tâ tënë la, fade bê ti mo ayeke pusu mo ti mû tele ti mo na yâ akusala ni na ti duti na fini alingbi na ni.​—Ps. 110:3; aHéb. 6:10.

Bia 79 na sambela ti nda ni.

[Kete tënë na gbe ni]