Kapa ti Bungbi ti Kusala

Kete tënë: Na ngoi ti salango akota bungbi ti district, a yeke wara ande na yâ Kusala ti Royaume programme ti Bungbi ti Kusala teti yenga oko oko kue. Akongregation alingbi ti gbian aye na yâ ni alingbi na ni ti mû lege na azo ti gue na Kota Bungbi ti District “Tambela na Nzapa”. Na ndangba Bungbi ti Kusala kozo ti gue na kota bungbi ni, tongana a lingbi, i mû penze-ngbonga 15 ti bâ akota wango so a mû na yâ supplément ti nze ti avril 2004, so alingbi na kongregation ni. Na yâ nze ti février 2005, fade a yeke leke yâ ti mbeni Bungbi ti Kusala kue ti dabe na angbongboro mbage ti programme ti kota bungbi ni. Ti leke tele teti lisoro so, a lingbi zo kue na popo ti e amû note nzoni na ngoi ti kota bungbi ni. E lingbi ti sû nga molongo ti ambilimbili kota tënë so e mveni e ye ti sala na kusala na yâ fini ti e nga na yâ kusala ti fango tënë. Na pekoni e lingbi ti mû ngangu na ambeni zo na fango na ala tongana nyen e sala ye alingbi na awango ni ngbele ye na ngoi so e gue na kota bungbi ni.

Yenga ti 8 novembre

Bia 180

pn 10: Akete tënë. Atokua ti Kusala ti Royaume so alingbi. Na nze ti novembre, e yeke fa buku Mä Kota Wafango ye. Kiri mo bâ hio akode ti fango mbeti ni na yâ Kusala ti Royaume ti mai 2004, lembeti 3.

pn 15: Wara ye ti nzoni na yâ Bungbi ti Kusala. Lisoro na kongregation na ndo buku Notre ministère, lembeti 71-72. Na yâ alege oku wa Bungbi ti Kusala amû maboko na e ti ga anzoni wafango tënë? Fa atapande so a wara na yâ ti kapa ti nze ni so e yeke dä. Lekengo tele kozoni aga na aye ti nzoni wa? Ngbanga ti nyen ti ga na bungbi so lakue? Tapande wa na yâ Mbeti ti Nzapa e yeke na ni teti bungbi so?

pn 20: “Bata bibe ti salango ye hio!”a Yôro na yâ ni atënë ti Tour ti Ba Ndo ti 1 février 2000, lembeti 6-7.

Bia 19 na sambela ti nda ni.

Yenga ti 15 novembre

Bia 170

pn 10: Akete tënë. Na salango kusala na awango so ayeke na lembeti 4, sala démonstration ti fa tongana nyen ti fa afini Tour ti Ba Ndo na Réveillez-vous! A lingbi ti sala kusala na ambeni kode nde so alingbi biani na territoire ni.

pn 15: Mo hinga kota ngia so ayeke ga na lege ti mungo ye? Diskur so aluti na ndo Tour ti Ba Ndo ti 1 novembre 2004, lembeti 19-23.

pn 20: Ala bâ nzo kusala ti e (1 Pi. 2:12). Diskur na lisoro na kongregation so aluti na ndo Tour ti Ba Ndo ti 1 novembre 2002, lembeti 12-14, paragraphe 14-20. Tisa kongregation ti fa tongana nyen nzo kusala ti e andu bê ti azo ti territoire ti e so abâ ni.

Bia 66 na sambela ti nda ni.

Yenga ti 22 novembre

Bia 199

pn 10: Akete tënë. Tënë ti acompte.

pn 15: Bezoin ti kongregation.

pn 20: Tâ tënë abungbi asewa. Diskur na lisoro na kongregation. Ala so asala nzara ti tâ tënë, ngoi na ngoi, ayeke gbanzi tele ti ala ti sala na Jéhovah ndali ti kangango lege ti afami ti ala. Hunda azo so aga ti fa tapande ti ambeni ye so asi so a wara na yâ ti ambeti so: Tour ti Ba Ndo ti 1 janvier 2002, lembeti 14-15; Tour ti Ba Ndo na français ti 1 décembre 2000, lembeti 8; Tour ti Ba ndo ti 1 septembre 1999, lembeti 32; Tour ti Ba Ndo ti 1 janvier 1999, lembeti 4; na Réveillez-vous! ti 22 février 1998, lembeti 31. Fa so mingi ni, fini ti sewa ayeke ga nzoni tongana même gi zo oko ti sewa ni asala ye alingbi na akpengba-ndia ti Bible.

Bia 58 na sambela ti nda ni.

Yenga ti 29 novembre

Bia 23

pn 10: Akete tënë. Dabe ti awafango tënë ti bi rapport ti ala ti novembre. Sala kusala na awango ti lembeti 4 na yâ adémonstration so afa tongana nyen ti fa afini Tour ti Ba Ndo na Réveillez-vous!

pn 10: Atënë so i hunda. Diskur so mbeni ancien si amû ni.

pn 25: “Salango a-étude so ayeke gue na li ni​—Ota mbage ni.”b Sala kusala na ahundango tënë so ayeke na yâ ni. Na peko ti lisoro na ndo paragraphe 3, yôro na yâ ni mbeni ndulu démonstration ti mbeni étude ti Bible na yâ brochure Ahunda, ye ti manda 5, paragraphe 1. A diko paragraphe ni na a kiri tënë na hundango tënë ni kozo awe. Zo so asala étude ni nga na wamandango ye ni adiko na asala tënë na ndo Esaïe 45:18 nga Zo-ti-fa-tene 1:4. Na lo so asala étude ni ahunda atënë so akpengba pëpe ti ga na wamandango ye ni ti fa tongana nyen aversê ni ague oko na tënë so ala yeke bâ.

Bia 178 na sambela ti nda ni.

Yenga ti 6 décembre

Bia 96

pn 10: Akete tënë. Fa ambeti ti sala na kusala na décembre. Sala démonstration oko wala use so a lingbi ti sala kusala na ni tongana a yeke fa buku Koli so Ahon.

pn 20: “Mo lingbi ti mû maboko?”c Hunda tënë na wafango tënë oko wala use so akiri singila mingi teti mungo maboko wala tënë ti kpengbango zo so ambeni ita amû na ala.

pn 15: Kusala ti i ayeke senge pëpe (1 aCor. 15:58). Hunda tënë na awafango tënë use wala ota so ayeke na wâ na so ayeke sala kusala teti angu mingi awe. Lawa si ala yeda na tâ tënë? Akpale wa ala hon ndo ni lani? Tongana nyen fango tënë na ndo so ala yeke dä ague na li ni na yâ angu so kue? Aye wa so asi na yâ fini ti ala amû ngangu na ala?

Bia 101 na sambela ti nda ni.

[Akete tënë na gbe ni]