Mo lingbi ti mû maboko?
1 Jéhovah ayeke gi lakue lege ti mû maboko na awakua ti lo be-ta-zo (2 Chron. 16:9; Es. 41:10, 13). Na hakango Jéhovah na mbeni berger so ayeke bata anyama ti lo na ndoye, Esaïe asû na mbeti: “Lo kamata amolenge ti ngasangbaga na tïtî Lo, Lo yô ala na libe ti Lo, na lo fa lege doucement na ala so ayeke na amolenge.” (Es. 40:11). Zia e bâ ambeni lege so e lingbi ti mû tapande ti bingo bê ti ndoye ti Jéhovah.
2 E mû maboko na afini zo: E lingbi ti mû maboko na tisango afini zo ti wara ye ti nzoni na lege ti bungbingo ni oko na e (aProv. 13:20). Na dango bê ti lo na lege so ambeni zo amû maboko na lo na ngoi so lo to nda ti bungbi oko na kongregation, mbeni ita-koli atene: “Fani mingi, mbeni sewa ahiri mbi ti mû mbage na yâ mandango ye ti ala na sewa. Tongana mbi yeke gue na li ni, mbeni koli na wali ti lo so ayeke apionnier na so ade maseka, ayeke tisa mbi lakue ti fa tënë legeoko na ala na ndapelele nga na lakui. E yeke lani na anzoni lisoro lakue ti sala na ndo aye ti yingo.” Lo kiri lo tene: “Kozo ti ga Chrétien, lakue na abi ti vendredi na samedi, mbi yeke sigigi ti gue ti sala ngia. Me ngoi so mbi mû na tele ti aita adë nzara ti mbi ti duti na akamarade.” Bingo bê ti ndoye so kongregation afa amû lani maboko na ita so ti tene gere ti lo alï ngangu na akpengba na yâ mabe, na fadeso lo yeke sala kua tongana oko ti amembre ti sewa ti Béthel.—aCol. 2:6, 7.
3 E sala si ambeni zo akpengba: E lingbi ti bâ mbeni lege so azi na e ti mû maboko na ngoi so aita ti e ayeke hon na yâ ti akpale. Mo lingbi ti fa tënë na yanga ti lege, mo na mbeni wafango tënë so ayeke wazin; wala mo lingbi ti tisa lo ti gue na mo na mbeni étude, na peut-être même ti mû wamandango Bible ni ti gue na lo na ndo ti ita wazin ni. Peut-être mbeni zo so ayeke na akete molenge ayeke na bezoin ti tene a mû maboko na lo na ngoi so lo yeke mû mbage na fango tënë. Ala so ayeke na mbito ayeke yeda ande na mungo maboko ti mo ti gue ti sala afini vizite ti ala wala ti mû mbage na mbeni lege nde ti fango tënë. Bingo bê ti ndoye na aita ti e ayeke pusu e ti gi alege ti kpengba ala.—aRom. 14:19.
4 Na ngoi so e yeke manda tapande ti nzobe so Jéhovah ayeke na ni na mbage ti awakua ti lo, e yeke kpengba mba na popo ti e, e yeke sala si kongregation kue abungbi oko na yâ ndoye, nga e yeke mû gonda na Babâ ti e ti yayu.—aEph. 4:16.