Kapa ti Bungbi ti Kusala

Kete tënë: Fade Kusala ti Royaume ni ayeke duti ande na programme ti Bungbi ti Kusala teti yenga oko oko na yâ anze so i yeke sala akota bungbi ti district. Akongregation alingbi ti changé aye, ti mû lege na azo ti gue na Kota Bungbi ti District “Tambela na Nzapa.” Tongana lege ayeke dä, mû apenze-ngbonga 15 na ndangba Bungbi ti Kusala ti kiri ti bâ akota wango so a mû na yâ supplément ti Kusala ti Royaume ti nze so, so alingbi na kongregation. Na nze ti février, ngu 2005, a yeke mû ande ngoi ti mbeni Bungbi ti Kusala kue ti dabe na angbongboro tënë ti assemblée ni. Ti leke tele teti lisoro so, a lingbi e kue e mû note nzoni na ngoi ti kota bungbi ni, nga molongo ti ambeni mbilimbili tënë so e ye ti sala na kusala na yâ fini ti e mveni nga na yâ kusala ti fango tënë. Na pekoni, e lingbi ti wa ambeni zo na fango tongana nyen e sala kusala na awango so.

Yenga ti 12 avril

Bia 93

pn 10: Akete tënë. Atokua ti Kusala ti Royaume so alingbi. Na salango kusala na awango ti lembeti 8, sala démonstration ti fa kode ti fango afini Tour ti Ba Ndo na Réveillez-vous! Na yâ démonstration oko oko, a yeke nzoni a bungbi apériodique use kue ti fa ni, atâa so a yeke sala tënë gi na ndo périodique oko. Na yâ ti démonstration oko oko, fa tongana nyen ti hon ndo ti tënë so aye ti kanga lege na lisoro: “Mbi yeke na kua mingi.”​—Bâ brochure Lege ti To Nda Na ti Ngbâ ti Sala Alisoro na ndo Bible, alembeti 11-12.

pn 15: “E mû na Jéhovah ye ti e ti nzoni kue.”a Na paragraphe 4, hunda na azo ti sala tënë na ndo ambilimbili lege so na yâ ni e lingbi ti fa ndoye teti azo na ngoi ti fango tënë ti e.

pn 20: “Zia e bungbi ti yä iri ti Lo.”b Secrétaire ti kongregation ayeke sala ni na lege ti ahundango tënë so ayeke dä. Na salango kusala na mbeti-kapa ti Kota Bungbi ti District ti ngu 2004, fa kota bungbi so kongregation ni ayeke gue dä. Hunzi ni na hundango atënë use wala ota ti article “Kobe ti yingo tâ na ngoi ni”, so e yeke bâ ande na Bungbi ti Kusala ti yenga ti peko.

Bia 91 na sambela ti nda ni.

Yenga ti 19 avril

Bia 55

pn 8: Akete tënë.

pn 17: “E bi bê ti e legeoko tongana Jésus.”c Sala kusala na ahundango tënë so ayeke dä. Na paragraphe 4, hunda na azo so ayeke sala kusala ti pionnier auxiliaire ti sala tënë na ndo adeba nzoni so ala wara na peko ti kusala so.

pn 20: “Kobe ti yingo tâ na ngoi ni.”d Sala kusala na ahundango tënë so ayeke dä. Na paragraphe 2, hunda na zo oko wala use ti sala tënë ndulu na ndo mbeni kpengba kota bungbi so ala gue dä. Hunzi na hundango atënë use wala ota ti article “Duti nzoni-kue na yâ tambela ti mo kue”, so e yeke bâ ande na Bungbi ti Kusala ti yenga ti peko.

Bia 80 na sambela ti nda ni.

Yenga ti 26 avril

Bia 46

pn 15: Akete tënë. Tënë ti acompte. Dabe ti awafango tënë ti bi rapport ti ala ti avril. Fa ambeti ti sala na kusala na mai. Na salango kusala na awango ti lembeti 8, sala démonstration ti fa kode ti fango afini Tour ti Ba Ndo na Réveillez-vous! Na yâ démonstration oko oko, a yeke nzoni a bungbi apériodique use kue ti fa ni, atâa so a yeke sala tënë gi na ndo périodique oko. Na yâ ti mbeni démonstration oko, zo ni ayeke fa tënë na mba ti lo na place ti kua wala na kamarade ti ekole.

pn 15: Bezoin ti kongregation.

pn 15: “Duti nzoni-kue na yâ tambela ti mo kue.”e Sala kusala na ahundango tënë so ayeke dä. Hunda azo ti sala tënë na ndo tongana nyen ala bâ so nzoni tambela aga na sepela na ndo Jéhovah. Hunzi na hundango atënë use wala ota ti article “Yungo bongo so alingbi na gonda na so ayeke na sioni oko pëpe”, so e yeke bâ ande na Bungbi ti Kusala ti yenga ti peko.

Bia 38 na sambela ti nda ni.

Yenga ti 3 mai

Bia 48

pn 10: Akete tënë. Sala tënë ndulu na ndo akusala so mingi ni a yee leke teti anze ti hungo tele: guengo na kota bungbi ti district, kusala ti pionnier auxiliaire, lekengo tele ti da nzoni nga peut-être gbotongo gere kete. Tongana kongregation ni ayeke na territoire so a yeke sala kusala dä mingi pëpe, fa aye so a leke ti sala ni kue nzoni. A lingbi e leke ye kozoni nzoni ti sala si e zia pëpe yamba mandango ye na sewa, abungbi ti kongregation nga na fango tënë tongana guengo na mbeni ndo nde wala ambeni kusala ti ngoi ti hungo tele asala ye na ndo aye so e yeke sala ka (aProv. 21:5). Dabe azo kue ti bi rapport ti ala, atâa ala yeke na kodoro wala na yongoro ndo.

pn 15: “I amaseka, zia i diko Tënë ti Nzapa!”f Leke kozoni ti tene maseka oko wala use asala tënë na ndo programme ti ala ti dikongo Bible na tongana nyen ala yeke wara ye ti nzoni dä. Wa amaseka ti zia na gbele ala ti diko Bible kue. Yôro na yâ ni atënë ti buku École du ministère, lembeti 10, paragraphe 4.

pn 20: “Yungo bongo so alingbi na gonda na so ayeke na sioni oko pëpe.”g Sala kusala na ahundango tënë so ayeke dä. Tongana ngoi ayeke dä, diko na sala tënë na ndo aversê so a fa tënë ti yâ ni pëpe.

Bia 164 na sambela ti nda ni.

[Akete tënë na gbe ni]