Kapa ti Bungbi ti Kusala

Yenga ti 14 janvier

Bia 3

pn 10: Akete tënë. Atokua ti Kusala ti Royaume so alingbi.

pn 25: “Afango Ye So Alingbi ti Sala na Kusala.” Lisoro na azo so aga, so surveillant ti kusala asala. A yeke wara na yâ ti supplément so afango ye so asigigi na yâ ti anuméro ti Kusala ti Royaume so ahon, legeoko na ambeni so ayeke fini. A lingbi ti sala kusala na ndo so angbâ senge ti sû na yâ ni ambeni wango so ayeke si na yâ ngoi so ayeke ga, so alë lengo na yâ territoire ti kongregation. Tisa azo so aga ti sala tënë ti afango ye wa mbilimbili ala ye na ngbanga ti nyen. Sala démonstration ti afango ye oko wala use so a lingbi ti sala kusala na ambeti so a yeke mû na janvier. Wa awafango tënë kue ti bata supplément so, nga ti sala kusala na ni lakue tongana ala yeke leke tele teti kusala.

pn 10: “Ye ti Tene na ndo Apériodique.” Démonstration na ndo lege ti fa andangba périodique so e wara. A lingbi ti fa Tour ti Ba Ndo na mbeni zo nga Réveillez-vous! na mbeni zo nde. Wa awafango tënë kue ti mû mbage ti ala na Lango ti Apériodique.

Bia 55 na sambela ti nda ni.

Yenga ti 21 janvier

Bia 104

pn 10: Akete tënë. Tënë ti acompte. Sala lisoro na ndo encadré ‘Bata Mbeni Ye Nde.’

pn 13: Mo Yeke Gi Nda ti Tënë ti Nzapa Lâ Oko Oko? Mbeni salango lisoro na sewa. Ti kono aye ti nzoni so ala wara na lege ti lisoro na ndo versê ti lâ oko oko, ala bâ Tour ti Ba Ndo ti lango 1 ti nze ti janvier 1997, lembeti 12, aparagraphe 13-14. Ala kiri ti bâ hio aversê ti alango use wala ota so a bâ ni ade ti ninga pëpe, nga ala fa tongana nyen sango ni aga mbilimbili na ye ti nzoni. Gboto lê na ndo nene ti tënë ti gingo nda ti brochure so aduti mbeni mbage ti kapa ti mandango Bible lakue na sewa, so a leke ti mû maboko na ala ti duti na kusala mingi na lege ti yingo.

pn 22: “E Zia Royaume Kozoni.”a Yôro na yâ ni ahundango tënë mingi pëpe na ndo angbongboro tënë ti Tour ti Ba Ndo ti lango 1 ti nze ti septembre 1998, alembeti 19-21.

Bia 168 na sambela ti nda ni.

Yenga ti 28 janvier

Bia 196

pn 8: Akete tënë. Dabe ti awafango tënë ti mû rapport ti kusala ti ala ti nze ti janvier. Sala tënë ti ambeti so ayeke zia ni na nze ti février, na gboto lê na ndo ti abuku so angbâ na yâ kongregation.

pn 22: “E Wara Mbeni Fini Gbakuru ti To Nda ti Amandango Ye!” Lisoro na azo so aga so surveillant ti kusala asala. Hunda na azo ti yambango zo ti kangbi na azo oko oko so aga na bungbi mbeni fini tract Mo Ye ti Hinga Ye Mingi Ahon na ndo Bible? tongana a yeke dä. Yôro na yâ ni adémonstration use ti afango ye so a leke ni nzoni, na mungo peko ti awango ti encadré “Ye ti Tene na ndo Apériodique” ti Kusala ti Royaume ti nze so e yeke dä wala ti anze so ahon awe. Mbeni wafango tënë afa fini numéro ti Tour ti Ba Ndo, nga mbeni nde afa ti Réveillez-vous! so ala wara ni. Na yâ adémonstration ni use kue, wafango tënë ni ako nda ti fango ye ti lo na ziango tract Hinga Bible na zo so lo sala lisoro na lo, na zo so ayeda pëpe na apériodique nga na zo so ayeda na ni. Wa zo oko oko kue ti mû fini tract na azo kue so ala tingbi na ala na yâ kusala ti fango tënë.

pn 15: Aye so atia kongregation. Tisa awafango tënë ti sala tënë ti aye so asi, so ala wara na salango kusala na buku Comment raisonner, na mungo abrochure ti kiri tënë na ahundango tënë ti azo, wala na salango kusala na aversê ti dengo bê so alondo na yâ brochure Tongana mbeni zo so mo ndoyee lo akui.... Peut-être a lingbi ti haka peko ti aye oko wala use so asi.

Bia 202 na sambela ti nda ni.

Yenga ti 4 février

Bia 212

pn 5: Akete tënë.

pn 15: ‘“Tongana nyen Ala Lingbi ti Mä?”’b Zia azo so aga asala tënë na ndo tongana nyen ti sala kusala na aversê. Yôro na yâ ni ahundango tënë ti aparagraphe 17-18 ti lembeti 18 ti Tour ti Ba Ndo ti lango 1 ti nze ti septembre 1998.

pn 25: Warango Nzoni na Lege ti Aye ti Nzobe So A Leke. Diskur so mbeni ancien so alingbi asala ni, lo sala tënë ti aye so a leke ti mû maboko tongana a yeke mû adesizion ti kaïngo kobela, tongana Instruction médicale prévisionnelle nga “Atene So Azo Ahunda” ti Tour ti Ba Ndo ti 1 juillet 2000 na 1 novembre 2000. A lingbi kongregation awara wungo ti ambeti Instructions médicales prévisionnelles/Décharge na Document d’identité médical. Fade awafango tënë so amû batême awe alingbi ti wara ambeti so na peko ti bungbi ti lakui ni, ye oko, a lingbi ala sû mbeti ni na lakui ni pëpe. Sungo iri, ziango atémoin ni, nga ziango lango na ndo a-carte so ayeke duti ande na ngoi ti Mandango Buku ti kongregation ti yenga ti peko, tongana a hunda mungo maboko ti zo ti mungo li ni na yâ mandango buku. A lingbi atémoin ni abâ biani zo ni na sungo iri ti lo na ndo mbeti ni. Awafango tënë so ade ti mû batême pëpe alingbi ti sû na mbeti teti ala mveni nga teti amolenge ti ala Afango Lege ti ala mveni na salango si tënë ti yâ ti carte ni alingbi na dutingo ti ala nga na ye so ala mä na bê na ni. Gboto lê mingi na ndo lege ti ndara ti sala kusala na adesizion ti kaïngo kobela kozoni, so gere ni aluti na ndo yingo-ti-hinga ti ala so Bible afa lege na ni. (aProv. 27:12; 14:15) Ti sala lisoro kozoni na bungbi ti awanganga na fango polele ye so e yeda na ni na lege ti akode ti kaïngo kobela nga ayorö ayeke kota ye mingi. A hunda ti manda ye nzoni e mveni ti mû adesizion so ayeke na lege ni. Diko aparagraphe so alingbi ti a-article ti Tour ti Ba Ndo so e fa na nduzu ge. A-ancien ayeke ndulu ti mû maboko, ye oko, ala lingbi pëpe ti mû adesizion teti ambeni zo. Fa alege ti sû adesizion ti ala na mbeti.

Bia 224 na sambela ti nda ni.

[Akete tene na gbe ni]