E dabe ti e na mbeni kota ye so asi

YE NI so ayeke nyen? A yeke kui ti mbeni koli so asi a sala fadeso ndulu na ngu 2 000 awe. Lo tene: “Mbi zia fini ti Mbi, si Mbi lingbi kiri ti kamata fini ni. Zo oko alungula fini so na tïtî Mbi pëpe, me Mbi zia fini so na bê ti Mbi mveni.” (Jean 10:17, 18). Koli so ayeke lani Jésus Christ.

Jésus atene na adisciple ti lo ti sala Matanga ti Dango Bê na kui ti lo ti sandaga. A hiri ngoi ni so “Kobe ti Seigneur”. (1 aCorinthien 11:20). A-Témoin ti Jéhovah ayeke sala ande Matanga ti Dango Bê na kui ti Jésus so lo zia na sese na jeudi, 24 mars 2005, na peko ti lindango ti lâ.

Mbeni diskur so aluti na ndo Bible ayeke fa ande nda ti mapa so a sala na mama ni pëpe nga na bengba vin so a yeke mû teti ngoi ni (Matthieu 26:26-28). Diskur ni ayeke kiri tënë na ahundango tënë tongana: Fani oke a lingbi aChrétien asala matanga so? Zo wa alingbi ti kamata mapa na vin ni? Zo wa si awara nzoni na lege ti kui ti Jésus? Salango kota matanga so ayeke mû ande maboko na azo kue ti hinga nda ti fini na kui ti Jésus.

A yeke yamba ande mo na wâ na Matanga ti Dango Bê na kui ti Jésus. A yeke nzoni mo hunda na aTémoin ti Jéhovah ti ndo so mo yeke dä ndo ti matanga ni nga na l’heure ni.