Ndandanda Wa Nsonkhano Wa Basa

Sumana 10 Ya Bingu

Nyimbo 205

Mph. 10: Pidziwiso pyapampingo. Phatanizani mafala a muyang’aniri wa m’munda a kuenda kutsogolo kwa mpingo mu kuphata basa mu cisa consene na katsamba kakuti Kodi Musafuna Kudziwa Undimomwene? Nakuti amwazi mphangwa azinji agawira kale A Sentinela ya 1.° de Novembro na Despertai! ya Novembro, phembani anyakubvesera towera alonge kuti akwanisa tani kugawira marevista anewa mbakhala na maphindu adidi.

Mph. 15: Kulisani Nzimu Wa Ufuni Na Wakupasa Mwakudzala Manja. Nkhani yakucitwa na nkulu wa mpingo yakubuluswa mu A Sentinela ya 15 de Novembro de 2008, tsamba 6-7.

Mph. 20: “Tiri Na Mpfuma Zakufunika Kakamwe Towera Kugawana Na Anango.”a Munadinga imwe ndima 2, phembani anyakubvesera kuti alonge pipfunziso pingasi pya Bhibhlya pyakuti pyaakwewera ku gulu ya Yahova peno pyaacitisa kukhala akupereka takhuta kakamwe kutomera pa n’dzidzi wa kubatizwa kwawo.

Nyimbo 71

Sumana 17 Ya Bingu

Nyimbo 80

Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo.

Mph. 15: Bokosi Ya Mibvunzo.*

Mph. 20: “Imwe Munakwanisa Kukhala Mpfunzisi!”* Bvunzani m’mwazi mphangwa peno mpainiya adamalisa manyerezero akukhonda thema akuti iye nkhabe kwanisa kucitisa pfunziro ya Bhibhlya. Iye anyindira tani ciphedzo ca Yahova? Ndi njira zipi zingasi zakuti gulu yamphedza towera kukhala wakuthema? Ndi nkhombo zipi zidakhala na iye mu kucita basa yakucitisa pfunziro ya Bhibhlya?

Nyimbo 143

Sumana 24 Ya Bingu

Nyimbo 217

Mph. 10: Pidziwiso pyapampingo. Lerini lipoti ya kobiri na tsamba ya filiali ya kupereka takhuta. Longani bukhu inafuna gawirwa mu nthanda ya Mainza, na citani citsanzo cibodzi peno piwiri pyakupangiza njira ya kugawira bukhu ineyi.

Mph. 20: Nkhani pabodzi na kucedza na anyakubvesera yakubuluswa mu ndima zingasi za Nsolo 16 wa bukhu yakuti Biblya Isapfunzisanji zinalonga pya Khisimisi na maphwando a Caka Cipswa kuphataniza matsamba 222-3, na gomezerani kufunika kwa kucalira kumwa na maphwando akuti kazinji kene asacita khundu ya n’dzidzi unoyu.

Mph. 15: Khunganyikani Towera Kugawira A Sentinela ya 1.° de Dezembro na Despertai! ya Dezembro. Perekani maonero acigwagwa a marevista, bvunzani anyakubvesera kuti ndi misolo ipi inanyerezera iwo kuti inakwanisa kukomeresa kakamwe anthu azinji mu cisa canu. Ndi mibvunzo ipi na malemba api akuti anakwanisa kuphatisirwa towera kutomesa makani m’misolo ineyi? Pangizani kuti maperekero umboni akukhonda nentsa anagumanika mu Utumiki Wathu Wa Umambo anaphatisirwa tani. Phembani m’bodzi wa akulu a mpingo kuti apangize maperekero umboni acigwagwa adakhunganya iye a nsolo ubodzi wakuti usabverana na cisa canu.

Nyimbo 208

Sumana 1 Ya Mainza

Nyimbo 84

Mph. 10: Pidziwiso pyapampingo. Kumbusani amwazi mphangwa kuti apereke lipoti ya basa ya m’munda ya nthanda ya Bingu.

Mph. 15: Pyakugumana napyo pya pacisa. Dziwisani mpingo kuti basa yaphatwa mpaka papi mu cisa pa kugawira katsamba kakuti Kodi Musafuna Kudziwa Undimomwene? Phembani anyakubvesera towera alonge pyakugumana napyo pyakutsanzayisa pidakhala na iwo pakugawira katsamba peno pakuphatisira katsamba keneka towera kutomesa mapfunziro a Bhibhlya. Pontho alonge pyakugumana napyo pyakuwangisa pya n’dzidzi wa kugawira bukhu Biblya Isapfunzisanji mu nthanda ya Bingu. Cakugumana naco cibodzi peno piwiri pyakupambulika pinakwaniswa kupangizwa.

Mph. 20: “Khunganyani Anthu Apswa Towera Akwanise Kuthimbana Na Mpingizo.”* Munadinga imwe ndima 2, onani mwacigwagwa kuti mphangwa zinagumanika m’bukhu ya Raciocínios pantsi pa nsolo wakuti “Testemunhas de Jeová” zinakwanisa tani kuphedza anyakupfunza Bhibhlya kutawira mibvunzo ya acibale na axamwali awo.

Nyimbo 105

[Footnotes]