Pidziwiso

◼ Mabukhu anafuna kugawirwa mu Nthanda ya Gonkho: Marevista A Sentinela na Despertai! Kuwangisira kwakupambulika kunadzacitwa towera kubwerera kwa anthu apswa adapangiza cifuno adagumanika pa Cikumbuso na pa nkhani yapakweca yakupambulika, mbwenye nee ndi aphinga m’misonkhano inango ya mpingo tayu. Cifuno ca kubwerera kwa anthu anewa cisafunika kukhala ca kutomesa pfunziro ya Biblya yapanyumba kwa ale akuti nee ali nayo tayu. Nthanda ya Khoni: Lambirani Mulungu Mbodzi Basi Wandimomwene. Nthanda ya Maluwa na ya Malimwe: Bruxura yonsene yakukhala na matsamba 32: Angafa Munthu Anafuna Imwe, Como Ter uma Vida Satisfatória, Kodi Mulungu Asatitsalakanadi? Khalani Akulindira!, Khalani Maso Kwenda Na Kwenda Mwa Kutsanzaya M’Dziko Yapantsi!, Mizimu Ya Akufa​—⁠Ingakwanise Kukuphedzani Peno kukucitani Pyakuipa? Kodi Iyo Iripodi?, Munakwanisa kukhala Xamwali Wa Mulungu!, Njira ya ku Umaso Okhonda Mala​—⁠Kodi Imwe Mwaigumana Kale?, Qual é o Objetivo da Vida? Como Encontrá-lo?, Que Acontece Conosco Quando Morremos?, Um Livro para Todas as Pessoas. Nthanda ya Nyenzi: Kodi Mwandimomwene Biblya Isapfunzisanji? Kuwangisira kwakupambulika kusafunika kucitwa towera kutomesa pfunziro ya Biblya pa ulendo wakutoma. Khala anaciro nyumba ali nayo kale bukhu ineyi, pangizani kuti iwo anaphindula tani nayo mu kupangiza mwacigwagwa macitiro a pfunziro ya Biblya.

◼ Misoka ya akulu a mpingo isafunika kudinga papswa tsamba yakulonga pya kukhala akukhunganyika towera kuthimbana na pidengwa ya 6 de Julho de 2006, na kudinga khala iwo ali na numero zipswa za amwazi mphangwa onsene. M’pisa pyakucita kazinji kene pidengwa pisacitika, musafunikambo kukhala na numero zinango za ale anaphedza pya mwandzidzidzi. Mwandimomwene, kusiyapo makhaliro a mwandzidzidzi, pisakhala pyakuphindulisa amwazi mphangwa angadziwisa muyang’aniri wawo wa Pfunziro ya Bukhu ya Mpingo peno nkulu unango khala iwo anadzacita ulendo wa ntsiku zizinji, ninga munabuluka iwo kuenda kacita malonda, mu ndzidzi unakhazikwa iwo ku nyumba ya ungumi na m’midzidzi inango.

◼ Tikuphemba kuti maformularyu a upainiya wa ndzidzi onsene aperekwe ku ofesi ya filiali mbukudasala ntsiku zakukhonda cepa 60 mbisati fika ntsiku inafuna iwo kutoma upainiya. Mulembi wa mpingo asafunika kuonesesa maphembo anewa towera kuona khala alembwa mwadidi. Khala anyakuphemba kukhala apainiya nkhabe kumbuka ntsiku idabatizwa iwo, asafunika kunyerezera ntsiku yakuti iri cifupi na idabatizwa iwo mbaikoya. Mulembi asafunika kulemba ntsiku ineyi pa formularyo ya Registro de Publicador de Congregação (S-⁠21).