Ndandanda Wa Nsonkhano Wa Basa

Sumana 12 Ya Bingu

Nyimbo 59

Mph. 10: Pidziwiso pyapampingo. Mukuphatisira maperekero umboni anagumanika pa tsamba 4 peno anango anabverana na cisa canu, pangizani kuti munagawira tani A Sentinela ya 15 de Novembro na Despertai! ya Novembro. Pa citsanzo cibodzi na cibodzi, marevista asafunika kuperekwa mawiri pabodzi pene, maseze mucite citsanzo ca revista ibodzi.

Mph. 15: “Parata Ndi Wanga, Na Ndalama Ndi Yanga.” Nkhani yakucitwa na nkulu wa mpingo yakubuluswa mu A Sentinela ya 1.° de Novembro de 2007, tsamba 17-21.

Mph. 20: “Tifambeni Ninga Anthu Anzeru.”a Ndzidzi ungakhalapo, phembani anyakubvesera kuti afokotoze malemba akusowa mafala mu ndima.

Nyimbo 192

Sumana 19 Ya Bingu

Nyimbo 109

Mph. 10: Pidziwiso pyapampingo. Longani mabukhu anafuna kugawirwa mu nthanda ya Maindza, na citani citsanzo cibodzi cakupangiza njira ya kugawira mabukhu anewa.

Mph. 15: Thangwi Yanji Tisapereka Lipoti Yathu Ya M’munda. Nkhani pabodzi na kucedza na anyakubvesera yakubulusa mu n’thimiziro wa Utumiki Wathu Wa Umambo wa nthanda ya Gonkho ya 2007, tsamba 5-6.

Mph. 20: “Lekani Kukhondera Anango Udidi!”* Pakudinga ndima 5, phatanizani mifokotozo ya abale ale adapfunza na anthu adatawira undimomwene. Kodi kucitisa pfunziro ya Biblya yakuenda kutsogolo kusaphindulisa na kusakomeresa tani? Nyakutawira m’bodzi peno awiri angakwanise kukhunganywa mwanyapantsi.

Nyimbo 96

Sumana 26 Ya Bingu

Nyimbo 172

Mph. 10: Pidziwiso pyapampingo. Lerini lipoti ya kobiri na tsamba ya filiali ya kupereka takhuta. Kumbusani amwazi mphangwa kuti apereke lipoti ya basa ya m’munda ya nthanda ya Bingu. Mukuphatisira maperekero umboni anagumanika pa tsamba 4 peno anango anabverana na cisa canu, pangizani kuti munagawira tani A Sentinela ya 1.° de Dezembro na Despertai! ya Dezembro.

Mph. 15: Kodi Mungakwanise Kuthimizira Kufuna Kwanu? Nkhani yakucitwa na nkulu wa mpingo yakubuluswa mu A Sentinela ya 1.° de Janeiro de 2007, tsamba 9-11.

Mph. 20: Aphale Na Atsikana—Kodi Munakwanisa Tani Kusimba Yahova? Nkhani yakubuluswa mu A Sentinela ya 15 de Junho de 2005, tsamba 26-8, ndima 15-19, phatisirani mabvunzo apfunziro a ndima zenezi. Munadinga imwe ndima 18, phembani aphale na atsikana mwa anyakubvesera towera alonge kuti apereka tani umboni kwa anyakupfunza peno apfunzisi ku xikola.

Nyimbo 5

Sumana 3 Ya Maindza

Nyimbo 77

Mph. 15: Pidziwiso pyapampingo. Pidziwiso pyakusankhulwa mu Utumiki Wathu Wa Umambo. Dingani Bokosi Ya Mabvunzo.

Mph. 15: Xikola Yakuti Anyakuimalisa Asaphindulisa Anthu A Dziko Yonsene Yapantsi. Nkhani yakubuluswa mu A Sentinela ya 15 de Novembro de 2006, tsamba 10-13. Bvunzani mwacigwagwa akulu a mpingo peno atumiki akutumikira akuti acita Xikola Yakupfunzisa Basa Ya Utumiki. Kodi xikola yaaphedza tani towera aende kutsogolo ninga amwazi mphangwa, akumbizi, na apfunzisi? Wangisani abale akuthema kuti akhale na cifuno ca kucita Xikola Yakupfunzisa Basa Ya Utumiki.

Mph. 15: “Tisapanga Anango Pya Cidikhiro Cathu Ca Umambo.”* Ndzidzi ungakhalapo, phembani anyakubvesera kuti afokotoze malemba akusowa mafala mu ndima.

Nyimbo 173

[Footnotes]