Pidziwiso

◼ Mabukhu anafuna kugawirwa mu Nthanda ya Malandalupya: Marevista A Sentinela na Despertai! Anthu angapangiza kufuna, pangizani na dingani katsamba kakuti Gostaria de aprender mais a respeito da Bíblia? na cifuno ca kutomesa pfunziro ya Biblya. Nthanda ya Bingu: Bruxura yonsene ya matsamba 32: Khalani Akulindira!, Khalani Maso Kwenda Na Kwenda Mwa Kutsanzaya M’Dziko Yapantsi!, Njira ya ku Umaso Okhonda Mala—Kodi Imwe Mwaigumana Kale? Nthanda ya Maindza: Bukhu Yanga Ya Mbiri Za Bibilya peno bukhu inango yonsene yakukhala na matsamba 192 yakuti isagumanika pa mpingo. Nthanda ya Thongwe ya 2008: Bukhu yonsene yakukhala na matsamba 192 yakuti yadindwa kale kakamwe mbikhala na matsamba akuti nkhabe nensa khala na cikukuwe peno bukhu inango yonsene yakudindwa mbicisati fika caka 1991. Mipingo yakuti nkhabe mabukhu anewa ingakwanise kugawira bukhu ya Conhecimento (khala iripo) peno bruxura yakuti Khalani Akulindira! Nthanda ya Madzalo: Existe um Criador Que Se Importa com Você? peno O Segredo de Uma Família Feliz.

◼ Nakuti nthanda ya Maindza iri na masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Vidyu yakuti Tratamentos Alternativos à Transfusão: Atendendo às Necessidades e aos Direitos do Paciente inadzadingwa pa Nsonkhano Wa Basa wa nthanda ya Thongwe. Khala musaifuna, mungakwanise kuiphemba mwakucimbiza kubulukira m’mpingo wanu.

◼ Mu Utumiki Wathu Wa Umambo uno muli na “Ndandanda Wa Xikola Ya Utumiki Wa Mulungu Wa 2008” na usafunika kukoyiwa towera uphatisirwe mu caka consene ca 2008.

◼ Taphata miyendo, kumbukani kuti m’bale anacita nkhani yakumalisa ya Nsonkhano Wa Basa ndiye anafuna kutomesa nyimbo yakumalisa. Buluka penepo, iye peno m’bale unango wakuthema adasankhulwa mwanyapantsi anadzacita phembero yakumalisa.

◼ Mipingo isafunika kuphemba Anuário das Testemunhas de Jeová de 2008 pa phembo yawo inafuna kudza ya mabukhu. Ineyi ndi phembo yakupambulika, natenepa, isafunika kuphembiwa basi khala iri na mwanaciro adaiphemba. Mpaka ntsiku inafuna kutumizwa Anuário, anadzakhala ninga phembo ya “Pendente” pa ndandanda unapangiza pinthu pidatumizwa. Mpingo usafunika kudziwiswa kuti pasafuna kucitwa phembo ya Anuário. Amwazi mphangwa nee asafunika kudembuka kucita phembo yawo kwa ntumiki anatsalakana mabukhu, na Muyang’aniri Mabukhu asafunika kutumiza mwakucimbiza phembo ineyi ku filiali.

◼ Tiri akukomerwa kukudziwisani kuti mipingo iri pantsiapa yamalisa kumanga Nyumba zawo za Umambo: Dake, Dinthi, Fonte-boa, Kawama, Lipepete, Marromeu, Matope, M’mora, Murira, Mwala-Oyera, Mwezi, Ndulu, Tsalala na Valua.

◼ Mabukhu Mapswa Anagumanika:

Kodi Mwandimomwene Biblya Isapfunzisanji? (bh)—Cilomwe

Khalani Akulindira! (kp)—Cilomwe

“Malembo Onsene”—Mbandimomwene Na Akuphindulisa (bsi08)—Cimakuwa, Cisena, Citshwa na Cixuabo.

◼ Mabukhu Akusala Anagumanika:

Índice das Publicações da Torre de Vigia 2002 (dx02)—Cingerezi

Índice das Publicações da Torre de Vigia 2001 (dx01)—Cizungu