Pidziwiso

◼ Mabukhu akugawira m’Nthanda ya Bwinja na ya Gonkho: Tinadzagawira A Sentinela na Despertai!. Pakucita maulendo akubwereza kwa anthu adapangiza cifuno, kuphataniza ale adagumanika pa Cikumbuso peno pa pyakucitika pinango pyaumulungu mbwenye nee asagumanyikana m’nzidzi onsene na mpingo, wangisirani kugawira bukhu yakuti Biblya Isapfunzisanji, na cifuno ca kutomesa pfunziro ya Biblya. Nthanda ya Khoni: Gawirani bruxura yakuti Mulungu Alikuphembanji, Quando Morre Alguém Que Amamos, Munakwanisa kukhala Xamwali Wa Mulungu!, peno bruxura inango yonsene ya matsamba 32 inagumanika pa mpingo. Nthanda ya Maluwa na ya Malimwe: Bruxura yonsene yakukhala na matsamba 32 ingakwanise kuphatisirwa: Khalani Akulindira!, Mizimu Ya Akufa—Ingakwanise Kukuphedzani Peno kukucitani Pyakuipa? Kodi Iyo Iripodi?, Njira ya ku Umaso Okhonda Mala—Kodi Imwe Mwaigumana Kale? Nthanda ya Nyenzi: Tinadzagawira bukhu yakuti Biblya Isapfunzisanji. Tisafunika kuwangisira towera kutomesa pfunziro ya Biblya pa ulendo wakutoma. Pontho tisafunika kubwerera ku mbuto zonsene zidasiya ife mabukhu na cifuno ca kutomesa pfunziro ya Biblya yapanyumba.

◼ Alembi a mipingo asafunika kukhala na maformulariu akukwana a Petição para o Serviço de Pioneiro Regular (S-205) na Petição para o Serviço de Pioneiro Auxiliar (S-205b). Anewa angakwanise kuphembiwa m’kuphatisira formulariu ya Pedido de Publicações (S-14). Koyani ntengo wakuti mungakwanise kuuphatisira caka camumphu. Mbamudzati kutumiza maformulariu a kuphemba upainiya wa nzidzi onsene ku ofesi ya filiali, aoneni mwadidi khala mabvunzo onsene atawirwa m’njira yakufunika.

◼ Filiali isafuna kudziwa mbuto zinakhala ayang’aniri akutsogolera na alembi onsene a mipingo pabodzi na kukoya numero ya mitokodzi inaphatisira iwo cincino. Iwo angafuluka peno kucinja numero ya ntokodzi, Nsoka Wakuyang’anira Basa M’mpingo usafunika kudzadza, kusinari na kutumiza mokhonda dembuka ku filiali formulariu ya Mudança de Endereço do Superintendente Presidente/Secretário (S-29). Pyenepi pisaphatanizambo kucinja kwa código ya ntokodzi inaphatisirwa m’cisa cinakhala iwo.

◼ Pakucita masasanyiro a ulendo anaphataniza kugumanika pa misonkhano ya mpingo, nsonkhano wa cisa, peno wa gawo ku dziko inango, mungafuna kudziwa ntsiku, nzidzi na mbuto phembani ku ofesi ya filiali inayang’anira basa m’dziko ineyi. Mbuto za maofesi a mafiliali zisagumanika pa tsamba yakumalisa ya Anuário wa caka cino.

◼ Anthu anango asabvunza khala mphyakutawiriswa kugravariri anthu anango m’mpingo Watchtower Library CD-ROM, peno kutawirisa anthu anango kukwata CD-ROM yathu mbaenda kagravari okhene m’programu ya m’ntcini wanzeru inacemerwa software angamala mbatibweresera. Phaso ya cibverano inaoneka m’nzidzi wa kugravari software na inagumanika pontho m’Nthimiziro wa Ciphedzo isapangiza kuti macitiro anewa kazinji kene si akutawiriswa tayu. Natenepa ciwangiso kwa abale na alongo ndi cakuti iwo asafunika kuphemba m’mpingo towera akhale na CD-ROM yawo ene.

◼ Khala abale na alongo pa mpingo asafuna pyakuikhira makaraxa, pyenepi pisafunika kuphembwa m’kuphatisira formulariu ya Pedido de Publicações (S-14).