Ndandanda Wa Nsonkhano Wa Basa

Sumana Inatoma Pa 13 Ya Nthanda Ya Bingu

Nyimbo 152

Mphindi 10: Pidziwiso pyapampingo. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 15 de Novembro na Despertai! ya Novembro. Pa citsanzo cibodzi, pangizani kuti munalonga tani na munthu anagwanda makani m’kulonga kuti: “Ndisadziwa mwadidi mabasa anu.”—Onani bukhu ya Raciocínios tsa. 20.

Mphindi 20: Nyindirani “Mbandazi Wakukhulupirika Na Wanzeru.” Nkhani pabodzi na kuceza na anyakubvesera yakubuluswa m’Utumiki Wathu Wa Umambo wa nthanda ya Nyenzi ya 2006, tsamba 4, mpaka kunkhomo kwa tsamba 6.

Mphindi 15: “Okhonda Gopa Mbwenye Antendere.”a Phatanizani mphangwa za bukhu yakuti Escola do Ministério, tsamba 252-3, pantsi pa nsolo ung’ono wa malemba akupendama wakuti “Quando ceder.”

Nyimbo 39 na phembero yakumalisa.

Sumana Inatoma Pa 20 Ya Nthanda Ya Bingu

Nyimbo 132

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo.

Mphindi 15: Pyakufuna pyapampingo.

Mphindi 20: M’nthanda ya Maindza gawirani bukhu yakuti Bukhu Yanga Ya Mbiri Za Bibilya. Phembani anyakubvesera kuti alonge pidakomerwa na iwo na Bukhu Yanga Ya Mbiri Za Bibilya na pyakugumana napyo pyawo pa kuigawira m’nzidzi udapita. Pangizani kuti munagawira tani bukhu m’kuphatisira ibodzi mwa mapfunziro awa: 2, 20, 33, 70, 92 na 115. Peno pangizani upereki umboni unango wakuti unakhala wakuphedza pa cisa.—Onani A Sentinela ya 1.° de Julho de 2005, tsamba 19, ndima 15; Despertai! ya 8 de Setembro de 2005, tsamba 18-19.

Nyimbo 203 na phembero yakumalisa.

Sumana Inatoma Pa 27 Ya Nthanda Ya Bingu

Nyimbo 111

Mphindi 5: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta.

Mphindi 10: Wangisani Ubverani Towera Kukuza Mulungu. Nkhani yakucitwa na nkulu wa mpingo yakubuluswa m’A Sentinela ya 1.° de Novembro 2006, tsamba 17-21.

Mphindi 15: “Munakhunganya Tani Upereki Umboni Wa Marevista.”* Phatanizani citsanzo ca mphindi zitatu cakucitwa na amwazi mphangwa awiri, panango mamuna na nkazace, asasankhula upereki umboni unagumanika pa tsamba 8 wa marevista a Dezembro na asatonga njira inafuna iwo kuuphatisira na kuuikha m’mafala awo ene. Buluka penepo, m’kuphatisira maonero a nsolo udamala iwo kwene kudinga, iwo asakhunganya na kupangiza njira ya kupereka umboni m’nsolo unango udaona iwo kuti unakhala wadidi m’cisa cawo.

Mphindi 15: “Kodi Ndisaona Tani Makhundu Mang’onong’ono A Ciropa Na Ukonzi Unaphataniza Ciropa Canga Cene?” Nkhani m’kucita mabvunzo na matawiro pabodzi na citsanzo. Nkulu wa mpingo anafuna cita nkhundu ineyi asafunika kutowezera mwadidi nkhani idatumizwa na filiali.

Nyimbo 120 na phembero yakumalisa.

Sumana Inatoma Pa 4 Ya Nthanda Ya Maindza

Nyimbo 155

Mphindi 10: Pidziwiso pyapampingo. Kumbusani amwazi mphangwa kuti apereke lipoti ya basa ya mmunda ya nthanda ya Bingu.

Mphindi 15: “Pfunziro Ya Bukhu Yakuti Lambirani Mulungu.”* Nkhani yakucitwa na muyang’aniri wa pfunziro ya Bukhu. Pangizani ndandanda wa pfunziro ya bukhu. Munadinga imwe ndima yacinai, phatanizani mphangwa za bukhu yakuti Escola do Ministério, tsamba 28, ndima 1 na tsamba 70.

Mphindi 20: Phatisirani Biblya Pakutawira Mbvunzo. Nkhani na kuceza na anyakubvesera yakubuluswa m’A Sentinela 15 de Agosto de 2002, tsamba 17-18, pantsi pa nsolo ung’ono wakuti: “Mostremos que amamos as verdades que ensinamos.” Phembani anyakubvesera kutawira mbvunzo ubodzi na ubodzi. Pangizani mmwazi mphangwa mbakaphatisira bukhu ya Raciocínios pakupereka ntawiro wa Biblya kwa nzace wa basa anabvunza: “Thangwi yanji iwe nkhabe kukumbuka Khisimisi?”

Nyimbo 168 na phembero yakumalisa.

[Footnotes]