Ndandanda Wa Nsonkhano Wa Basa

Sumana Inatoma Pa 10 Ya Nthanda Ya Maluwa

Nyimbo 4

Mphindi 10: Pidziwiso pyapampingo. M’kuphatisira maperekero umboni anagumanika pa tsamba 4 peno maperekero umboni anango akubverana na cisa canu, pangizani kuti munagawira tani A Sentinela ya 15 de Julho na Despertai! ya Julho. Pa citsanzo cibodzi, pangizani kuti munatawira tani munthu anafuna kulimirisa makani m’kulonga kuti “Ife pano ndife Akristu kale.”—Onani bukhu ya Raciocínios, tsa. 19.

Mphindi 15: M’kukhunganyikira Nsonkhano wa Gawo unafuna kudza, taphata mwendo onani pontho nsolo wakuti “Pikumbuso Pya Nsonkhano Wa Gawo”, pinagumanika m’Utumiki Wathu Wa Umambo wa nthanda ya Bwinja ya 2006, tsamba 5. 

Mphindi 20: “Kulumizani Kupereka Takhuta Ku Makhaliro Okhonda Landanisika A Yahova.”* Phatanizani citsanzo cibodzi cinapangiza njira yakuphatisira mabvunzo towera kuphedza nyakupfunza Biblya kunyerezera ntsonga zinagumanika m’bokosi yakubwerezera pidapfunzwa kunkhomo kwa nsolo 1 wa bukhu yakuti Biblya Isapfunzisanji.

Nyimbo 88 na phembero yakumalisa.

Sumana Inatoma Pa 17 Ya Nthanda Ya Maluwa

Nyimbo 99

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. Dingani mwacigwagwa A Sentinela ya 15 de Agosto de 2000, tsamba 32. Gomezerani kufunika kwa kupitiriza kukhala na ndandanda okhonda phonya wa kuleri Biblya ntsiku na ntsiku, ngakhale m’nzidzi wa feriya peno m’nzidzi unacita ife mabasa anango okhonda dzoloereka.

Mphindi 15: Kufuna Na Kucepeseka—Makhaliro Akufunika Ku Utumiki. Nkhani yakubuluswa m’A Sentinela ya 15 de Agosto de 2002, tsamba 18-20, ndima 13-20.

Mphindi 20: “Tisangizireni Mulungu Wathu Wakutsanzaya, Yahova.”a Phembani anyakubvesera kulonga pinaaphedza kupitiriza kukhala na nkhaliro wadidi na wakutsanzaya munamwaza iwo mphangwa m’cisa cawo.

Nyimbo 189 na phembero yakumalisa.

Sumana Inatoma Pa 24 Ya Nthanda Ya Maluwa

Nyimbo 218

Mphindi 15: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. M’kuphatisira maperekero umboni anagumanika pa tsamba 4 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Agosto na Despertai! ya Agosto. Kunkhomo kwa citsanzo cibodzi na cibodzi longani pontho mafala akutoma adacitisa kuti mwanaciro nyumba apangize kufuna.

Mphindi 10: “Iwo Aikha Citsanzo Ca Kukhulupirika.” Nkhani yakuphataniza pyakugumana napyo pingasi pinagumanika m’mabukhu athu pinalonga pya apainiya akupambulika peno bvunzani apainiya akupambulika khala alipo m’mpingo mwanu.—Onani Índice das Publicações da Torre de Vigia, pantsi pa “Pioneiros Especiais.”

Mphindi 20: Khalani Dzololo, Mbamukhonda Kufewa. (1 Akor. 15:58) Bvunzani amwazi mphangwa awiri peno atatu peno apainiya adatumikira mwakukhulupirika m’piaka pizinji. Kodi iwo apfunza tani undimomwene? Kodi basa ya kumwaza mphangwa ikhacitwa tani mudatoma iwo kwene kumwaza mphangwa? Kodi ndi pinenso pipi pidathimbana na iwo? Kodi ndi nkhombo zipi zidatambira iwo ninga cakubwereswa ca kupitiriza kwawo kukhala dzololo m’ulambiri wandimomwene?

Nyimbo 12 na phembero yakumalisa.

Sumana Inatoma Pa 31 Ya Nthanda Ya Maluwa

Nyimbo 28

Mphindi 10: Pidziwiso pyapampingo. Kumbusani amwazi mphangwa kuti apereke lipoti ya basa ya mmunda ya nthanda ya Maluwa. Longani mabukhu anafunika kugawirwa m’nthanda ya Malimwe.

Mphindi 15: Gulu Yakucita Cifuno Ca Yahova. Nkhani pabodzi na kuceza na anyakubvesera yakubuluswa m’nthimiziro. Mokhonda piringana mphindi zitatu longani mafala akutoma anagumanika pa tsamba 3, buluka penepo cezani na anyakubvesera pa nsolo ung’ono. Makhundu anango a nthimiziro anadzadingwa ntsogolo pa Misonkhano Ya Basa.

Mphindi 20: “Sakulirani Misambo Yadidi Na Phindulani Na Nkhombo Zizinji.”* Phembani anyakubvesera kuti alonge pinacita iwo towera akhazikise na apitirize na ndandanda okhonda phonya wa mabasa akuphatana na kulambira Yahova na nkhombo zidatambira iwo ninga pyakubwereswa.

Nyimbo 130 na phembero yakumalisa.

Sumana Inatoma Pa 7 Ya Nthanda Ya Malimwe

Nyimbo 209

Mphindi 10: Pidziwiso pyapampingo. Onani mwacigwagwa kuti maperekero umboni anagumanika m’Nosso Ministério do Reino anakwanisa tani kucinjiwa towera kubverana na anthu a m’cisa cathu.—Onani Nosso Ministério do Reino wa Janeiro de 2005, tsa. 8.

Mphindi 15: Misonkhano Inakulumiza Kufuna na Mabasa Adidi. Nkhani yakubuluswa m’A Sentinela ya 15 de Março de 2002, tsamba 24-5. Na bvunzani mmwazi mphangwa kuti alonge kuwangisira kwce towera kugumanika pa misonkhano mokhonda phonya na maphindu anatambira iye m’kucita pyenepi.

Mphindi 20: Khalani Akuenda Kutsogolo Na Akucinja M’utumiki Wathu. Nkhani pabodzi na kuceza na anyakubvesera yakubuluswa m’A Sentinela ya 1.° de Dezembro de 2005, tsamba 28-30. Pa nkhani yakubuluswa m’ndima 6-11, gomezerani kuti Paulu akhala tani wakutsalana, wakucinja na waluso m’kumwaza mphangwa na kupfunzisa. Na buluka penepo phembani anyakubvesera kuti atawire mabvunzo a ndima 12-14, mbalonga kuti mphangwa zenezi zinaphatisirwa tani m’cisa canu. Phatanizani citsanzo cinapangiza kuti amwazi mphangwa anakwanisa tani kucinja uperekero umboni wace m’utumiki, mbaubveranisa na pyakufuna, makhaliro na makuziro a anthu a m’cisa cace.

Nyimbo 83 na phembero yakumalisa.

[Footnotes]