Ibintu bikurubikuru vyaranze umwaka uheze

Yehova Imana yarahumekeye umuhanuzi Yesaya kuvuga ibizoba ati: “Mu kibanza c’umujumpu nzozana inzahabu, mu kibanza c’icuma nzane ifeza, mu kibanza c’igiti nzane umujumpu, mu kibanza c’amabuye na ho, icuma.” (Yes. 60:17) Mu mwaka uheze, twariboneye ibimenyamenya bitomoye vyerekana ko ubwo buhanuzi bubandanya kuranguka. Nka kurya nyene gusubiriza ikintu ikindi kikiruta vyerekana ko uryohoye ibintu, Ivyabona vya Yehova baragize ivyo baryohoye mw’ishirahamwe ryabo muri iki gihe ca nyuma.​—Mat. 24:3.