Isubiramwo ryo mw’Ishure ry’ubusuku bwa gitewokarasi

Ibibazo bikurikira bizorimburwa mw’Ishure ry’ubusuku bwa gitewokarasi mu ndwi itangura ku wa 28 Ruheshi 2010. Umucungezi w’ishure azoyobora isubiramwo ry’iminuta 20 rishingiye ku mayagwa yarimbuwe mu biganiro vyashikirijwe kuva mu ndwi itangura ku wa 3 Rusama gushika mu ndwi itangura ku wa 28 Ruheshi 2010.

1. Ni ibiki dushobora kwigira ku kuba Dawidi yararize aririra Abuneri? (2 Sam. 3:31-34) [w05 15/5 rup. 17 ing. 6; w06 15/7 rup. 21 ing. 9-10]

2. Ni igiki catumye Dawidi agwa mu caha c’ubusambanyi, kandi ni icigwa ikihe dushobora kuhigira? (2 Sam. 11:1-4) [w06 1/8 rup. 24 ing. 15, 20]

3. Ni gute uburyo Mefibosheti yavyifashemwo mu kibazo ciwe na Ziba butubera akarorera keza? (2 Sam. 19:24-30) [w02 1/3 rup. 10 ing. 12]

4. Ivyo Dawidi yagiriye Mefibosheti vyagaragaje gute ubuntu-mvarukundo, kandi ivyo bikwiye kutwigisha iki? (2 Sam. 9:7) [w02 1/6 rup. 16 ing. 5]

5. Ni ibiki dushobora kwigira ku vyabaye hagati ya Itayi Umunyegati n’Umwami Dawidi? (2 Sam. 15:19-22) [w09 15/5 rup. 27-28]

6. Twisunze Ivyanditswe, dushobora gute gutahura yuko ivyo Ziba yagirije Mefibosheti bitari vyo? (2 Sam. 16:1-4) [w02 1/3 rup. 10 ing. 11, akajambo k’epfo.]

7. Igihe Dawidi yasaba umutama Baruzilayi yari amaze imyaka 80 y’amavuka ngo aje kuba ku kirimba ciwe, ni kubera iki Baruzilayi yaciye asaba ko Kimuhamu aba ari we ajana na Dawidi? (2 Sam. 19:33-37) [w07 1/6 rup. 24 ing. 13]

8. Ni mu buryo ki ukwicisha bugufi kwa Yehova kwashize hejuru Dawidi? (2 Sam. 22:36) [w07 1/11 rup. 5 ing. 2; w04 1/11 rup. 29]

9. Ni kubera iki Adoniya yagerageje gufata ubutegetsi kandi Dawidi yari akiriho? (1 Abm. 1:5) [w05 1/7 rup. 28 ing. 5]

10. Ni kubera iki Yehova yishuye isengesho Salomo yatuye asaba ubwenge n’ugutahura? (1 Abm. 3:9) [w05 1/7 rup. 30 ing. 2]