Ni ibiki wigira kuri za ndirimbo zisanzwe?

Muri za ndirimbo zisanzwe, ni izihe ukunda kuruta izindi? Uzikundira iki? Woba ubona ko amavidewo yazo yerekana ibishika mu buzima bwa misi yose? Hasohorwa imiziki y’ubwoko butandukanye kandi ivuga ibintu bitandukanye, ku buryo buri wese aronka ikimukora ku mutima. Ariko rero, izo ndirimbo be n’amavidewo yazo y’umuziki si ivyo kwiryohera gusa.

Buri ruririmbo ruratwigisha ivyigwa ngirakamaro umukirisu yokwisunga mu buzima bwa misi yose no mu ndimiro. Hari izivuga ibijanye n’ubwakiranyi, ubumwe, ubugenzi, umutima rugabo, urukundo, canke ukwizera. Izindi zivuga ibijanye no kugaruka kuri Yehova, kubabarira abandi, kuguma turi intahemuka buri musi no kwishingira imigambi y’ivy’impwemu. Hari n’urutubwira ukuntu twokoresha neza telefone. Hoba hari izindi mpanuro ngirakamaro wakuye muri izo ndirimbo?

RABA IVIDEWO Y’URURIRIMBO RUVUGA NGO ISI NSHASHA IRI HAFI, MUCE MWISHURA IBI BIBAZO:

• Uwo mutama n’umutamakazi bariko bazirikana ku mihezagiro iyihe yo muri kazoza?​—It 12:3

• Tworushiriza gute kwizera ko Yehova ashoboye gushitsa ivyo yasezeranye?

• Ni bande tuzohimbarwa no gusubira kubona vuba?

• Icizigiro c’Ubwami kidufasha gute kwihanganira ingorane zidushikira muri iki gihe?​—Rm 8:25