Twibuke gusabira abavukanyi bacu bari mu ruhamo

Bibiliya yari yaravuze ko Shetani yoduhamye arondera kubuza igikorwa cacu. (Yoh 15:20; Ivy 12:17) Twofasha iki abavukanyi bacu bariko barahamwa mu bindi bihugu? Turashobora kubasabira. “Ugutakamba kw’umugororotsi, igihe gukora, kugira inguvu nyinshi.”​—Yak 5:16.

None twosaba iki Yehova? Twomusaba ngo ahe abavukanyi bacu umutima rugabo, ntibagire ubwoba. (Yes 41:10-13) Turashobora no gusabira abategetsi ngo babone neza igikorwa cacu, “kugira ngo tubandanye kugira ubuzima butekanye kandi buri mu mahoro.”​—1Tm 2:1, 2.

Igihe Paulo na Petero bahamwa, abakirisu bo mu kinjana ca mbere barabasabiye ku Mana badomako amazina yabo. (Ivk 12:5; Rm 15:30, 31) Naho tutazi amazina y’abariko barahamwa bose, turashobora kuvuga izina ry’ishengero, igihugu canke akarere barimwo.

Andika ibihugu birimwo abavukanyi bariko barahamwa wipfuza gusabira.