Ico twovuga ku vyerekeye ibinyamakuru

Umunara w’Inderetsi 1 Ntwarante

“Wibaza ko ibintu vyose bishikira umuntu mu buzima ari ivyo aba yarandikiwe imbere y’igihe? [Rindira yishure.] Raba ico Bibiliya ibivugako. [Soma Umusiguzi 9:11.] Iki kinyamakuru kirasigura yuko, naho Imana yashinze imbere y’igihe kazoza keza igitangaza ku bijanye n’isi, irareka umwe wese muri twebwe akihitiramwo ubwiwe ukuntu abaho.”

Réveillez-vous! Ntwarante

“Abantu benshi muri iki gihe barafise imyitwarariko ijanye n’amahera, na canecane muri iki kiringo ivy’ubutunzi vyifashe nabi. Wewe woba none uvyemera? [Rindira yishure.] Raba iyi mpanuro irimwo uburimbane. [Soma 1 Timoteyo 6:8, 10.] Iki kinyamakuru kiraca irya n’ino ingingo ngenderwako zimwezimwe zo muri Bibiliya zodufasha gukoresha amahera dufise mu buryo butuma tugira amahoro yo mu mutima.”

Umunara w’Inderetsi 1 Ntwarante

“Gukora ibigororotse birashobora vy’ukuri kuba urugamba igihe abantu badushizeko umukazo wo gukora ukundi. Wewe wibaza ko ari igiki codufasha kwirinda kurugwamwo? [Rindira yishure. Nuce usoma Imigani 29:25.] Iki kiganiro c’ingirakamaro kirasigura muri rusangi imvo zitanu zotuma dutinya kudahimbara Imana aho gutinya kudahimbara abantu.” Numwereke ikiganiro gitangurira ku rupapuro rwa 12.

Réveillez-vous! Ntwarante

“Twese turashima kugira abagenzi beza. Ni kamere izihe woshima ko umugenzi aba afise? [Rindira yishure.] Raba iki kintu kivugwa muri Bibiliya. [Soma Imigani 17:17.] Iki kiganiro kiratugira inama ku bijanye no guhitamwo abagenzi be n’ukuntu umuntu yobera abandi umugenzi mwiza.” Numwereke ikiganiro gitangurira ku rupapuro rwa 18.