Icanditswe c’umwaka wa 2012

“Ijambo ryawe ni ukuri.”—YOH. 17:17.

Ese ukuntu dukenguruka kubona Data wa twese wo mw’ijuru munyarukundo yaraduhishuriye ukuri! Ijambo ryiwe riratwereka uburyo bwiza kuruta ubundi bwo kubaho be n’ingene twororanirwa mu buzima. Riratuma tudakurikirana ibintu ata co bimaze kandi vyonona, rikadukura mu binyoma vy’idini, kandi rikaturonsa amahoro mu muzirikanyi. Riratuma ubuzima bwacu bugira intumbero muri iki gihe, rigatuma kandi tugira icizigiro ciza igitangaza ku bijanye na kazoza.

Ukwo kuri kuratuma twunga ubumwe n’abavukanyi bacu amamiliyoni bo hirya no hino kw’isi. Igihambaye kuruta, ukuri kwo muri Bibiliya kuratwigisha ivyerekeye Yehova kukongera kukatwereka ingene twomwiyegereza. Nimuze ntitwigere dufata minenerwe ivyo Yehova aturonsa. Ese twoguma tunezerererwa ukwo kuri kandi tukareka kukatuyobora mu nzira zacu zose!