Garagaza umutima rugabo igihe uri mu bihe bitoroshe

Soma Yeremiya 38:​1-13 kugira ubone ingene umuhanuzi Yeremiya n’inkone yitwa Ebedi-Meleki bagaragaje umutima rugabo.

Rondera kumenya ingene ibintu vyari vyifashe. Kubera iki Yeremiya yari akeneye umutima rugabo kugira ashikirize abantu ubutumwa buvuye kuri Yehova? (Yer. 27:​12-14; 28:​15-17; 37:​6-10) Abo bantu bavyakiriye gute?—Yer. 37:​15, 16.

Rondera kumenya n’ibindi. Ni ibiki vyari bihanze Yeremiya? (jr 26-27 ing. 20-22) Rondera amakuru menshi ashoboka ku bijanye n’amatangi yo mu bihe vya kera. (it-1-F 483-484) Yeremiya ashobora kuba yumvise amerewe gute igihe yari mw’itangi ryarimwo urwondo? Ni ibiki vyari gutuma Ebedi-Meleki atinya kumufasha?—w12 1/5 31 ing. 2-3.

Rondera ivyigwa wohakura. Niwibaze uti:

• «Iyi nkuru inyigisha iki ku bijanye n’ukuntu Yehova akingira abasavyi biwe b’intahemuka?» (Zab. 97:10; Yer. 39:​15-18)

• «Ni mu bihe ibihe vyosaba ko ngaragaza umutima rugabo?»

• «Norushiriza gute kugira umutima rugabo wo gukora ikibereye igihe ndi mu bihe bitoroshe?» (w11 1/3 30)a