UBUZIMA BW’UMUKIRISU
Niwibone nk’uko Yehova akubona
“Yehova [arahimbarwa] n’abantu biwe.” (Zb 149:4) Naho tudatunganye, arabona kamere nziza dufise be n’ico tuzovamwo. Ariko rero, rimwe na rimwe vyoshobora kutugora kubona ibitwerekeye mu buryo buri ku burimbane. Twoshobora kwumva umenga ntaco tumaze bivuye ku kuntu abandi badufata. Canke na ho, hamwe twokwibanda ku makosa twakoze kera twoshobora gukekeranya nimba Yehova adukunda vy’ukuri. None ni igiki codufasha igihe tumerewe gutyo?
Niwibuke ko Yehova abona ibirengeye ivyo abantu bashoboye kubona. (1Sm 16:7) Ivyo bisobanura ko atubonamwo mbere ibirengeye ivyo twibonamwo. Igishimishije, Bibiliya iradufasha gutahura ukuntu Yehova atubona. Ivyo turashobora kubitahura mu kurimbura imirongo be n’inkuru zo muri Bibiliya bihishura urugero Yehova agezako mu gukunda abamusenga.
NIMURABE IVIDEWO IVUGA NGO NUJIJURE UMUTIMA WAWE IMBERE YA YEHOVA, MUCE MWISHURA IBIBAZO BIKURIKIRA:
Ikigereranyo c’umwirutsi na se wiwe kitwigisha iki ku bijanye n’ukuntu Yehova atubona?
Iyo umuntu akoze igicumuro gikomeye ateye intambwe zikenewe kugira asubire kugiranira ubucuti na Yehova, yojijura gute umutima wiwe imbere ya Yehova?—1Yh 3:19, 20
Urya muvukanyi yungukiye gute ku gusoma no kuzirikana inkuru ya Dawidi n’iya Yehoshafati?